Zeph

Du vet altså at det er det handlingen skal være? En vanlig playthrough? Neidå, berre har det litt moro. Filmen kan handle om hendingar utanfor spelet for den del.

Einig. Eit lite skap, alt etter kor mange flasker du vil ha inni til ei kvar tid, vil fungerer heilt topp i ein kjeller som held 19-22 grader. Små skap kan ha temperaturforskjeller internt, men om du sjekker temperaturen av og til og justerer den nær nok så bør det gå greit for ein som ikkje er har vin som hobby. Eit termometer kan fungere, men du kan òg måle temperaturen på vinen frå ei flaske før konsumering.

Om du har dokumentasjon som er relevant så kan du legge det ved prospektet eller legge det på Boligmappa og knytte den til annonsa. Du kan opprette ei offentleg lenke til boligmappa der potensielle kjøparar kan gå inn og sjå på dokumentasjonen.

Spent på korleis dei skal komprimere ned eit par hundre timar gameplay til ein 2-3 timars film. Blir kanskje på nivå med Warcraft-filmen

Spørs kva du skal bruke det til. For korttidslagring og enkelt få riktig temperatur er små, billege skap heilt fint. Skal du drive med langtidslagring er det ein anna sak og fleire faktorer å tenke på, avhengig av kor seriøs du er på området. Eg har hatt eit 6-flaskers skap i mange år og det er heilt topp til å få flasker til serveringstemperatur. Du kan fikse det med å putte dei inn i og ta ut av kjøleskap, flytte rundt i huset osv., men det var så enkelt å berre ha eit lite skap ståande, så er det alltid riktig temperatur.

Du skal informere om tilstanden etter beste evne basert på det du veit, uavhengig av om det vart gjort i tida du eigde eller før. Rein faktainformasjon. Om du veit noko er gjort av tidlegare eigar, men er usikker på av kven, så skriv det. Det er lov å ikkje vite noko sikkert. Ein kan bruke informasjon gitt av tidlegare eigar. Det er ikkje alltid riktig, men det er det du har. I mitt hus har ein tidlegare eigar (før dei me kjøpte av) kryssa av at det elektriske var utført av fagfolk, sjølv om ein elektriker fort ser at det i alle fall ikkje er riktig for heile installasjonen. Det viktigaste er ikkje at du prøver å ordlegge deg så fint som mogleg for å pynte på fasaden, men at du skal informere om at du kjenner til sånn at ein potensiell kjøper veit kva dei får. Om ein tilstand er nemnd i erklæringa så kan ikkje ein kjøper kome seinare å klage på tilstanden. Er det derimot informasjon du visste om, men bevisst unnlot å informere om eller la fram feilaktig, så kan kjøper ha ein sak. Du kan krysse av for at det er utført arbeid, informere om det du har og legge ved ev. dokumentasjon, men skrive at du er usikker på om det er utført av faglærte og droppe krysse eller krysse av på “Ukjent” om det finnes i skjemaet. Tidlegare eigenerklæringsskjema kan du vise til, igjen med fokus på rein fakta og kva som ev. kan dokumenterast. Det er lov å ikkje vite 100% sikkert kva som har vore gjort tidlegare. Det er nok meir vanleg med mangelfull dokumentasjon på eldre bustader enn at alt er på stell og dokumentert.

Kva bilmodell er det snakk om? 25 kg kan vere snakk om trykk ved bruk av sykkelstativ, men det er vanlegvis minst 50 kg ved bruk av henger.

Eg er ganske sikker på at ein 8-åring kan storkose seg med denne filmen utan å kunne eit fnugg om referansene. Dei er for generasjonane som vaks opp med Mario. At ein sånn film blir populær er lett å forstå, sjølv om den kanskje ikkje er noko filmatisk meisterverk. Det er Mario, det er på kino, det er godt animert. Der har du alt du treng.

Lenge sidan eg har spelt HOMM altså. Om dette blir bra så freistar det litt. Må du framleis setje av fleire timar på å fullføre eit brett?

Hovedsakleg pga. høg prisvekst (inflasjon). Uro i verda fører til at olje- og gassprisane går opp som igjen påverker generell prisvekst. Høg lønsvekst dei siste åra (4-6%). Svak krone gjer at importerte varer blir dyrare, som bidreg til høg inflasjon. Norges Bank ser på heile landet i eitt, og sjølv om dei med minst å rutte med kjem dårlegast ut så er det totalen som fører til at dei vurderer å heve renta igjen. Neste rentemøte er 7. mai, så det kan skje ting i verda som påverker kva beslutning dei tar når den tida kjem. Akkurat no er spesielt Trump, Iran og Hormuzstredet jokeren som kan påverke ei rentebeslutning, men sjølv om dei opner stredet igjen før mai så kan konsekvensen av at det har vore lite trafikk der over fleire veker bidra til at renta blir heva.

https://www.aftenposten.no/okonomi/i/9ppVgl/avgiftskutt-paa-drivstoff-satte-opp-prisene-dagen-foer Så beleilig at dei kutta momsen rett etter at stasjonane uansett måtte auke prisen tilsvarande momskuttet. Hadde det blitt kutt på matmoms ville sikkert butikkane justert opp tilsvarande og skulda på høgare utgifter.

Ser den. Eg ville takka ja til 699,- og tatt ein ny runde om 12 mnd. Så vidt meg bekjent er det ein god pris for kun internett over fiber. Mange har betre pris, men då er det gjerne burettslag eller tilsvarandre avtaler. For enkeltkunder er du nok i nedre del av prisområdet. Andre nasjonale alternativ er breidband over mobil, men trur ikkje det er stort å spare der og du får ei dårlegare linje. Her er prisane eg får hos Altibox og NGT: Altibox: 1000 Mbps opp/ned - (1369,-) 750 Mbps opp/ned - (1119,-) 500 Mbps opp/ned - (1069,-) 250 Mbps opp/ned - (969,-) 150 Mbps opp/ned - (869,-) NGT: 1000 Mbps opp/ned - (1029,-) 500 Mbps opp/ned - (929,-) 250 Mbps opp/ned - (819,-) 150 Mbps opp/ned - (769,-) 50 Mbps opp/ned - (719,-) Dette er veil. prisar, så kan ein ofte få rabatt første 12 mnd.

Avleggs har eg ikkje inntrykk av at det er, men 100k er kanskje litt i overkant. Ei månadsløn eller to kan vere greit, men alt er avhengig av den økonomiske situasjonen. Kor mykje du har til overs kvar månad, ev. kan prioritere til andre ting, kor trygg jobben er osv. Bufferen kan du ha ståande på høgrentekonto med rente opp mot 5%. Er du risikovillig kan den òg stå i rentefond eller noko sånt.

Det var ikkje vondt. Sjølv med 3000-4000 i oppstart er du ikkje dyrare enn mykje av fiber i landet, og på andre året blir forskjellen større om ein tenker at utstyret blir nedbetalt. Prisen må ha gått ned sidan sist eg sjekka, for så lågt var det ikkje før. Låg opplastingshastigheit og litt dårlegare ping for dei som er opptatt av sånt, men for mange er det sikkert problemfritt. Litt stor antenne som ikke akkurat er eit smykke å ha på veggen. Kvifor treng du roaming til ein bustad?

Eg forstår ikkje heilt poenget med å plassere 4000,- på sparekonto med 2/4% rente når du betaler 5% i rente på lånet. Buffer er fint å ha det, men kan du ikkje ha ein fast buffer på så mange tusen som du meiner er fornuftig og heller betale ned på lånet med dei 4000? Kva meiner du med at du har lik nedbetalingstid, men betaler mindre? Om du betalte 8000 i månaden på eit 500k lån så tilsvarer det ei nedbetalingstid på 6 år. Om du no betaler 4000 i månaden så må du ha lengre nedbetalingstid. Du kan ikkje betale ned to like lån med ulike terminbeløp på lik tid. 15 år er det i følgje ein kalkulator med 4000 i terminbeløp. Det vil sjølvsagt bli kortare om du samler opp 4000 i månaden og putter inn av og til, men om du har 500k i lån og betaler 4000 i månaden så er ca. 2000 renter og 2000 avdrag. Er det fem år fastrente på eit 15 års lån du har? Kva har banken sagt om å betale ekstra på lånet? Det kan bli berekna over- eller underkurs om du betaler ned lånet tidlegare enn avtalt. Om fastrentelån går i din eller banken sin favør veit du ikkje før lånet er nedbetalt eller avtalen gått ut, men når beløpet ikkje er større enn 500k så er det ikkje snakk om alt for store summer. Du kan prøve deg fram her: https://laanekalkulator.no/ I din situasjon ville nok ikkje eg valgt fastrentelån, men det kan vere mange grunner til å gå for fastrentelån. Den viktigaste er om du ligg nær maksgrensa av kva du er i stand til å betale på eit lån. Fastrente er dyrare, men du er beskytta i perioden avtalen går over mot at renta skulle gå vesentleg opp.

Eventuelt ha det i 12 månader og true med at du seier det opp om du ikkje får ein betre pris etterpå? Om du ikkje har fiberalternativ så er det vel noko 5G-opplegg eller Starlink du ev. må over på, men eg tvilar på det blir noko billegare enn 699.

Eg ville skaffa eit finansieringsbevis. Når du har midlar i fleire bankar og i tillegg vurderer å låne deler av summen blir det ryddigast å ha finansieringa i orden. Kanskje ikkje like stort poeng om det er eit objekt som har vore på marknaden ei stund, då vil vel megler og bank bli einige, men om det er fleire interessenter og du ikkje har finansieringa klar så kan det potensielt skape litt kluss. Spesielt midlar i fond og aksar er volatile og kan gå ned i verdi på kort sikt.

Det er eit samanlikningsgrunnlag for bilar som går gjennom den same testen. Poenget er ikkje å gje eit tal som er riktig i alle situasjoner, for det eksisterer ikkje. I ein norsk sommar kan du fint oppnå WLTP-rekkevidda og vel så det, men det vil aldri skje når det er kaldt midtvinters. Testen er utført i 25 grader. Om dei hadde gjort testen under vinterforhold ville talet vore langt under det du kan oppnå på sommaren. Problemet i ditt (og mange andres) tilfelle er nok at du kjøpte bil utan å forstå kva WLTP-talet er og kva rekkevidde du faktisk vil oppnå under varierande forhold i Norge. Ingen seier at WLTP er noko du vil oppnå uansett forhold.

Sånn går det når ein stoler blindt på AI og sikkert formulerte spørsmålet feil. 🙃 Eg måtte korrigere reknestykket til Gemini fleire ganger før den kom fram til 775k. Eg burde vel presisert at 700k i dagens pris var inkludert moms.

Deadly Premonition har både krim og mysterier. Ikkje for alle kanskje, men eit magisk spel på mange måtar.

Kunne godt tenke meg denne, men blir nok for dyrt. Ikkje at eg hadde plan om å kjøpe ny-ny bil med det første uansett. Hjelper ikkje at momsgrensa er på vei nedover heller. Ein Enyaq 85x kjem opp rundt 700k om du tar med pakker som mange vil ha. Peaq 90x blir kanskje over 800k, potensielt endå meir avhengig av momspolitikken. Ein Enyaq til 700k vil koste 875k om det blir 25% moms frå første krone. Då kan det bli vanskeleg å få solgt bil i ein marknad der Tesla står sterkt og det ramler inn med nye modeller frå Kina. Då er spørsmålet om produsentane kan og vil skru ned prisane. Har du ikkje behov for 4x4 og over 460 km rekkevidde så kan 60-modellen starte 150k under 90x. Litt leit å sjå at Skoda òg har hoppa på inntrukket-håndtak-kjøret. Rekkevidda du vinn er neglisjerbar, så det er kun for å henge med resten av marknaden.

Må få kjøpt dette snart. Traileren er fabelaktig.

Like kul som ein Cybertruck? Eg hadde gløymd ut namnet "Cybertruck" og måtte søke det opp. Så kul og populær vart den.

Eg er ikkje så oppteken av å behalde originalemballasjen, men det er ingen demping inni der. Konsollen er sikra med to pappformer i kvar ende, men om du slepp den ned så får konsollen seg ein støyt som kan føre til akutt feil eller byrjande feil som etter mange år med bruk og varme utvikler seg til ein større feil. At konsollen blir sendt frå fabrikken på den måten er noko anna. Der blir dei sannsynlegvis stabla på paller og kjørt rundt med truck eller kraner. Dårleg emballering er noko eg òg har lagt merke til dei siste åra. Ofte er det ei pappøskje som alt får plass i utan noko ekstra fyll eller demping. Då manglar du ikkje berre demping, men produktet får ein endå høgare deaksellerasjon ved eit fall sidan den flytter på seg inni der. Ja, det er samlebåndelektronikk, men det er like fullt dyrt, ikkje laga for å bli kasta på og skal vare i mange år.

At ein film må kutte mykje frå ei bok er sjølvsagt. Med 2 til 2,5 timer per bok (dobbelt for siste boka) må dei komprimere og fjerne mykje. Første sesong vil ha åtte episoder på ca. ein time per episode, kanskje inkludert oppsummering, så dei vil ha 3-4 ganger meir tilgjengeleg skjermtid for å fortelje historien frå den boka. Fleire av dei seinare bøkene er dobbelt så lange som den første, og vel så det, så det blir interessant å sjå om dei kjører fast 8 timer per sesong eller varierer etter som bøkene blir lengre. Kjeldematerialet er det same og plottet vil sjølvsagt vere likt, så det blir mykje repetisjon, men med meir tid kan dei òg få plass til mykje meir stoff frå bøkene. I tillegg er det nye generasjonar som veks til, og aldri har sett filmane før, som då kan sjå serien i staden for og oppleve det heile for første gang (om dei ikkje har lese bøkene først). Det er lenge sidan eg såg filmane, men det eg satt igjen med var at det gjekk veldig fort og enkelte plot var vanskeleg å halde tråden i. Då hadde eg allereie lese bøkene.