Zeph

Bruk tida effektivt. Legg opp til eit program det faktisk er realistisk i følgje. Er det for mykje med både styrke og kardio så ville eg droppa eller redusert kardio. Ha realistiske mål. Som 40 år med familie er kanskje ikkje 1-reps maks eller store musklar like viktig lengre. Ein viktig motivasjonsfaktor for min del er å kunne ha eit aktivt liv lenge og kunne vere med born og potensielt borneborn på leik. Eg har sett 70-åringar som rullar seg på gulvet med sine etterkomarar, og eg har sett 70-åringar med kulemage som hadde hatt problem med å få seg opp igjen om dei havna på golvet. Nokon skreiv i ein artikkel eg las at trening i 30-40-åra er like viktig som å spare til pensjon. Styrketrening er det beste du kan gjere for kroppen etter som du blir eldre. Det kan òg vere ein motivasjonsfaktor for eit relativt sunt kosthald. Styrke kan du bygge heile livet. 60-åringar kan få god framgang sjølv om dei aldri har løfta ei vekt før. Med riktig trening er det fantastisk vedlikehald for kroppen og ei anledning til å halde den sterk og funksjonsfrisk.

Skaff kupévarmer. På min Skoda så forblir tenninga på om eg klikser sikkerhetsbeltet i haldaren på føraresetet.

I kalkulatoren spør dei kun om du har hatt inntekt seks av siste ti månadane og kva du tener før skatt. Fyll ut så får du vel svaret? https://www.nav.no/foreldrepenger/foreldrepenger-eller-engangsstonad/situasjon

Sist DNB vart spurt meiner eg dei svara at det var bransjestandard, så den måtte dei sjølvsagt følgje. Eg har tidlegare sett ein graf som gjekk over nokre år og samanlikna renteendringar på dei største bankane etter endringar i styringsrenta. Nokon som veit kvar ein kan finne den?

Eg har null interesse av å løfte så og så mange kilo, så om eg kan ta 40 eller 140 kg i markløft betyr ingenting. Den store fordelen med dei to er at du får trent så mange muskelgrupper samtidig, spesielt kjernemusklatur og rygg. Dei har som funksjon å stabilisere ryggen, og jo tyngre du løfter, jo sterkare må dei vere for å halde kontroll på ryggen, som er gull verdt så lenge du klarar å halde kontroll. Det finnes alternativ, men då blir det gjerne fordelt på fleire ulike øvingar som kanskje tar lengre tid. Det er òg veldig enkelt å legge på vekt. Utfall blir gjerne brukt som alternativ, men der blir det fort tungt og balansen kan bli ei avgrensande faktor før kreftene. Utfall i Smith-maskin er ganske greit sidan det er enklare å halde balansen, men du vil neppe aktivere og stimulere kjernemusklatur i like stor grad som knebøy, bla. pga. mindre vekt som skal haldast oppe. For tida går det i eittbeinspress for beina. Beinpressmaskin med eitt bein om gangen. Det halverer den totale belastninga på kroppen og med eitt bein i bakken er det enklare å halde kontroll på ryggen. Programmet pdd. er pushups, inverted rows, overhead press, pulldown (etter kvart pullups) og single leg press. Utfordringa med td. pushups og inverted rows er progresjon, men om ein ser litt på kva dei som driv med calisthenics (eigenvektstrening) får til så er det mange måtar å gjere ei øving vanskelegare på utan å måtte bruke ekstra vekt. Det er litt meir arbeid enn å berre legge på meir vekt i benkpress, men eg synest det er veldig motiverande å ha meir kroppskontroll og kunne løfte seg sjølv opp frå diverse stillingar. Variasjon i måten du utøver td. pushup på stimulerer òg ulike muskelgrupper i større grad enn tradisjonelle løft. Benkpress har eg aldri vore så begeistra for og synest ikkje det gav så mykje utbyte heller.

Apropos styrke så er det motiverande med sånne menneske: https://www.aftenposten.no/sprek/i/63LRlQ/foer-var-hun-benskjoer-naa-er-70-aaringen-verdensmester-i-styrkeloeft Kanskje betalingsmur. Kort oppsummert så er det ei dame (i dag 70 år) som fekk diagnosen beinskjør for 14 år sidan og starta med styrkeløft. Ho var fysisk aktiv før det, men hadde aldri løfta vekter. No er rekorden i markløft 160 kg på trening. Moro at McGill dukka opp i tråden. Eg ramla over han etter problem med korsryggen ein del år tilbake, mest sannsynleg pga. disc bulge. Boka hans var ein viktig grunn til at eg klarte å fungere igjen i kvardagen. Eg kjenner det framleis i ryggen og det kom meir med trening, så eg har lese Back Mechanic igjen, starta med eit opplegg og bestilt Fitness-boka. I det daglege har eg fokus på minst mogleg bøying av ryggen, og det er veldig merkbart. I tillegg blir beina sterkare og mobiliteten har blitt betre. Ein liten haldningsendring har òg vore bra for generell velvære i ryggmusklane. Det var ganske interessant å kjenne på musklane ved ryggsøyla og kva som skjer om du har litt framoverlent haldning eller på andre måtar ikkje står nøytralt. Eg droppa knebøy og markløft for mange år sidan. Om ryggen speler på lag og mobiliteten blir betre så veit ein aldri, men det er ikkje noko stort problem å trene utan dei to. Stiller meg 100% bak anbefalinga av bøkene hans. Verdt det til full pris, men du kan òg kome over dei på Finn.

Det er alltid markedet sin feil, men markedet har samtidig alltid rett. Prisen de har betalt no vil òg setje litt presedens for eit ev. framtidig sal.

Det er lite treningsprat her inne for tida. Nokre år bakover i tid var det ganske god aktivitet bla. i Den store treningstråden som har over 78.500 innlegg: Det var litt aktivitet der i år. Om du drar litt i den dukkar det kanskje opp fleire. Eg hadde ein lengre periode pause pga. familie og livet generelt, men trener no tre økter per veke. I tillegg blir det ein del tur i skog og mark. Der det for 10-15 år sidan var eit poeng med muskelvekst og styrke er fokuset i dag (snart 40 år) vel så mykje på å halde kroppen ved like og sterk til andre halvdel av livet. Det gjer sjølvsagt ingenting å sjå betre ut i badehallen heller.

Om det er prosentbasert provisjon, ja. Det er det ofte utanfor byane, men i ein storby kan du få tilbod frå meklar som har fastpris utan prosentbasert provisjon. Ein kan seie mangt om meklarar, men eg ville brukt dei til å setje verdivurdering. Det er ein person du har hyrt inn for bla. den jobben. Er det storr avvik mellom verdivurdering frå takstmann og meklar så kan du ev. diskutere det med meklar.

Folk som hater ting, men framleis brukar dei og klagar over dei er noko for seg sjølve.

Snodig at dei får lov til å ta ein sånn patent.

Har du DNB-kort kan du sannsynlegvis få 15% på supertilbud i oktober.

Akkurat no har eg ein god del på høgrente pga. potensielt kjøp av bustad, men før eg solgte sist så hadde eg null på høgrente. Kanskje eit par titusen på sparekonto, men det varierte litt. Om det samla seg opp større summar så kjøpte eg meir fond. Mtp. buffer så hadde eg alltid moglegheit for å selge litt fond eller auke bustadlånet. Det handlar om risiko og når ein har bruk for midlane. Pengar du ser for deg å ha bruk for ila. dei neste fem årene kan gjerne stå på høgrente. Med dagens rentenivå er det heilt kurant avkastning på sånt. På lang sikt, nær pensjonsalder så vil eg kanskje flytte delar ut av aksjefond og inn i rentefond eller høgrentekonto, men det er framleis nokre tiår fram i tid.

Det vil så og seie garantert skje igjen, og på eit tidspunkt vil du ikkje få start på bilen i det heile tatt. Om du ikkje er avhengig av at bilen startar så kan du vente til det er slutt, men då står bilen der og må kanskje tauast eller reparerast på staden. Det beste er å skifte før det seier heilt stopp.

Min har alltid stått på 7, men spesielt når bilen framføre reduserer hastigheita under settpunktet så legg den seg veldig nær, godt innafor mi komfortsone. Den har nødbrems, men eg stolar ikkje heilt på sånt, så AP blir lite brukt for min del. Når den har fast hastigheit over ei lengre strekke er avstanden grei nok, men det er sjeldan den kan kjøre sånn over lengre tid utan at andre bilar køyrer saktare.

Kan bli dårleg nytt for Tesla-eigarar som kjører med Autopilot i Spania. Den er ikkje så veldig opptatt av å halde avstand til bilen framføre. Eg òg går ut frå at avstandsmåling blir tilpassa fartsgrensa der boksane vil stå. Kø og filskifte kan skape utfordringar, men dei kan jo følgje med på kva hastigheit trafikken går i samtidig og slå av og på målingane, ev. justere dei etter faktisk hastigheit i trafikken.

Eg har tenkt det same. Pro og Air er ein god del dyrare utan at du får så mykje meir som folk flest har glede av. Basemodellen har endeleg fått 120 Hz. Det var ein viktig grunn til at eg valgte 14 Pro over 14 for tre år sidan.

Sidan den ikkje prøver å dra i gang startmotoren og du har nok futt i batteriet så er innslaget ei potensiell feilkjelde. At det klikker kan indikere at reléet fungerer, men det kan vere noko der òg. Du kan måle spenning på innslaget når ein vrir om nøkkelen. Har den riktig spenning og det ikkje klikker i den så må du feilsøke vidare. Å dunke på innslaget kan få det til å operere og ev. gje ein indikasjon på at problemet ligg der. Kan òg vere startmotoren som er problemet.

Har den så langt dårlegare spesifikasjonar enn 17? Mindre batteri, færre kamera, men med Pro-prosessoren.

Kunne heller tenkt meg ein litt mindre telefon, men det tida er visst forbi for Apple sin del.

Eit ikkje alt for ukjent fenomen. Det er vel nokre Fromsoft-spel som har fått justeringar fordi det var for vanskeleg. At det er mange nye spelarar som ikkje har erfaring med Hollow Knight er høgst mogleg mtp. hypen og omtalen Silksong fekk.

Her er forresten kva Le Creuset seier om reingjering av emaljerte gryter i stål:

Kanskje på tide å byte ut Gen 1. Elsker ANC!

Takk! Har du tips til valg av grunning? Biltema har ei lita flaske, men er det brukande greier? Eg har sett på nokre andre butikkar, men det går mest i sprayflasker. På så små skader er kanskje flaske og tannpirkar det beste. Eg har dremel, men det er ikkje store gropa, så eg skulle hatt nokre små verktøy som får plass nedi der. Då har det nok ikkje gått hol ned til metallet. Det er fleire lag med grunning og lakk på ein bil, og så lenge steinen ikkje lagar hol heilt ned til bart metall så treng det ikkje føre til rust.

Vanskeleg å vurdere med bilete, men kan det vere laget med fastbrente stoff som har løsna i flak? Du kan spørje butikk eller produsent om tips. Eg har sett fleire på nett som har spurt om emalje som løsnar og fått ny gryte.