Zeph

Du får frådrag på skatten for eventuelle renter du betalar på eit billån. Verdien av ein bil blir lagt til formue og du må betale formuesskatt på ev. samla verdiar du har som overstiger 1,7 millionar. Høgare verdi og høgare formue betyr høgare formuesskatt.

Det er meiningslaust å ha fleire globale indeksfond, spesielt om eitt er dyrare. Eg går ut frå at dei står på ASK, så det er fort gjort å flytte alt over til Nordnet Global Indeks.

Det er 1% per kalenderår, så om du hadde 1,8m på skattemeldinga for 2025 så skal du betale 400,- ein gang for heile året. Normalt blir det trukket som ein del av skatt på inntekt ved å føre opp beløpet på skattekortet. Då vil det i praksis bety at du betalar 400/12 = 33,- kroner kvar månad. Står ikkje beløpet på skattekortet, men blir med på skattemeldinga så vil det bli ein del av skatteoppgjeret året etter. Om det ikkje var oppført på skattekortet så vil det dukke opp på skattemeldinga som restskatt og blir vanlegvis betalt innan utgangen av mai eller noko sånt. Det blir ein del av det totale skatteoppgjeret, så om du har skatt til gode pga. for mykje betalt skatt på inntekt så kan resultatet bli at du får litt mindre tilbake på skatten.

70.000,- etter rentefrådrag vel?

Du betalar kun skatt på beløpet over 1.760.000. Skattesatsen til kommunen er i 2025 0,525% og innslagspunktet er 1.760.001,-. Skattesatsen til staten er i 2025 0,475% og innslagspunktet er 1.760.001,-. (Har du formue på over 20 millionar så er satsen 0,575% på alt over 20.700.000,-). Samla blir det 1% skatt. Om du har 1.800.000,- på konto 31. desember 2025 så skal du betale formuesskatt av 1.800.000-1.760.000 = 40.000,-. Skatten du betalar blir då 40.000*1% = 400,- kroner.

Du vil jo ikkje få fast rente når tilbodet er flytande rente. Hadde tilbodet vore fast rente så ville det stått fast rente. Har du nokre døme på at Tesla har justert opp renta på dag to eller justert den opp utan at styringsrenta var justert? Eg er klar over at risikoen er der, men for ein potensiell kjøpar er det interessant å vite kva erfaring folk har hatt.

Nintendo er i godt selskap mtp. resirkulering av spel.

Delar av det meiner eg du kan føre opp som frådrag, men ikkje alt. Det er avhengig av kva standard det var frå før og kva du har gjort med det. Å erstatte eit slitt laminatgulv med nytt laminatgulv av tilsvarande kvalitet er vedlikehald. Å skifte ut eit nyare gulv som er i god stand til parkett er oppgradering. Les deg gjennom V-3 Vedlikehold på Skatte-ABC-en: https://www.skatteetaten.no/rettskilder/type/handboker/skatte-abc/gjeldende/v-3-vedlikehold/V-3.012/

Legg ut sikringar til det forsvinn og ta det vidare derifrå.

Det siste biletet ditt fungerer ikkje her. Har du bilete av koblingsskjema for den nye toppen? Du kan fint bruke den gamle kabelen. Kabel med fire ledningar er for å kunne brukast på både 400V-system og 230V. Brukast du den gamle kabelen og skjema er likt på den nye så skal du koble det på den måten som vist under 230V og bruke lask mellom 1 og 2 sidan det går ledningar til ulike delar av ovnen ut frå koblingspunkt 1 og 2. Om du brukar kabelen med fire ledningar kan du koble som vist på teikninga under 400V, men då må du koble brun og svart på same klemme i støpselet. Det bør gå, men er av og til litt knotete å få plass til med hylser på ledningane. Pass på at begge ledningane går godt press og prøv å dra litt i dei når du har skrudd til for å sjekke at dei heng godt fast.

Ull lar damp sleppe gjennom, men om du har eit lag utanpå ulla som ikkje ventilerer så vil det stoppe der og samle opp svette. Å ha ull innerst og så eitt eller fleire lag utanpå som hindrar ventilering kan bli klamt. Om det er varmt nok så ha kun ull eller ei jakke av ull over. Vind går rett gjennom ull, så med litt vind må ein fort ha vindstoppande lag ytterst. Pass då på at det er åpne glidelåsar på jakka for ventilering og ikkje heilt snørt igjen. Av jakker så er softshell å anbefale så lenge det ikkje er for vått. Dei slepp ut fuktigheit og kan halde deg tørr, mens regnjakker som er meint å brukast i øsande regn og faktisk er tette gjerne er tette frå innsida òg. Hugs at softshelljakker er vannavstøytande, men impregneringa vil forsvinne over tid så dei må få ny behandling av og til. Om det skjer med kun ull og ryggsekk så må du kanskje sjå etter noko som kan skape avstand mellom rygg og sekk for ventilering utan at det går ut over ergonomien. Ein sekk med betre ventilering som Millhouse viser til er nok å anbefale, men det er dyrt med ny sekk. Det finnes greier du kan ha på ryggen mellom rygg og sekk. VentaPak er eit namn eg kom over, men eg har ikkje erfaring med noko sjølv. Ei nettingtrøye må gjerne ha litt volum om det skal ha noko effekt. Du strammer sekken mot kroppen, så ei tynn nettingtrøye veit eg ikkje om vil hjelpe stort.

Kva er poenget med å flytte det inn i bustadlånet? Om lånesummen er lik så påverkar ikkje det likviditeten din.

Det er veldig personavhengig kven du treff med den type saker. Møter du feil person bak disken så blir det mykje styr for å få det du har rett på. Neste dag kan du treffe på ein som tar det raskt og enkelt iht. lovverket.

Du kan spørje fleire bankar, utan at det er noko garanti for at du får meir. Med 650k i inntekt er 2,2m i lån 3,38 ganger inntekta. Det høyrest ikkje urimeleg ut med dine føresetnader, men du skal ikkje sjå vekk frå at det er mogleg å få meir i ein anna bank. Her er ein oversikt som illustrerer forskjellar i kva bankane vil låne ut: https://www.smartepenger.no/lan/302-dette-laner-banken-deg-til-boliglan Det er eit generelt eksempel, så individuelle omsyn vil dei alltid ta. Det er ikkje noko garanti for at du vil få summane som står der. I eksempelet med einsleg og 600k i inntekt varierte lånesummen frå 3,4 til 4,8 ganger inntekt. 5 ganger inntekt er i utgangspunktet maks for å avgrense oppover, men det er på ingen måte noko minimumsgaranti. Har ein veldig låg inntekt så er det ikkje sikkert banken vil tilby lån i det heile tatt.

Eg prøvde meg på å time under Covid19 i 2020. Fekk solgt ut like under toppen, rett før det stupte, men fulgte ikkje opp ved å kjøpe inn litt og litt på vei ned og opp. Når det går ned 10-15% ein dag så var det freistande å vente litt til, og kva om det skulle endå lengre ned? Du kjøper aldri til prisen det tidspunktet du legg inn ordren, så det var lotto med +10% ein dag og -15% neste dag. Til slutt endte det med at eg kjøpte for alt igjen i mai, ikkje så langt under det eg solgte for. Det var første erfaring eg fekk med så stort krakk sidan eg starta sparinga i 2012. Det var ikkje frykt for å miste verdiane som var motivasjonen, men å få endå meir avkastning ved å “buy the dip”. Gjekk ikkje heilt etter planen. No har eg ikkje gjort noko som helst. 2020 var ei god erfaring å ha med seg.

Du må få meglar på besøk for å få eit noko lunde riktig verdivurdering.

Det går på Viaplay og Vsport Golf. Har ikkje sett noko alternativ for engelsk lydspor, men eg har ikkje Viaplay. Viasat/Viaplay har valgt å sende Featured Groups med svensk kommentator… 😑 Det er ikkje aktuelt, så eg ser på masters.com med VPN. Hovedsendinga satsar eg på å sjå på norsk. Får gje dei ein sjanse.

På resten av skivene? Altså flater der klossane ikkje treff? Utslitte klossar på elbil etter 36k km? Brukar du ikkje regenerering? Var det noko feil sidan du fekk det på garantien?

Status på bremseklosser- og skiver etter 30k km og 2 1/2 år med Enyaq. Så lenge bremsane blir brukt nok til å bevege på ting og slipe vekk rust kan dei vare i årevis.

Eg har venta på noko sånt ei stund. Ikkje at eg kan spå noko som helst, men kun fordi det har gått som det griner dei siste åra. Delvis pga. svak krone, men likevel har avkastninga dei siste åra vore langt over det ein kan vente over lang tid. Dette kan sjøvlsagt snu fort. Eg har “mista” eit sjusifra beløp, men det kjem vel tilbake med tider og stunder.

Folk flest har ikkje så mykje pengar til overs dei kan kjøpe for når sånt skjer, så det er enklare sagt enn gjort å kaste mykje pengar inn no, men det er potensielt eit godt tidspunkt å kjøpe om du kan. Om du sparar fast er dette i alle fall ikkje tidspunktet å stoppe med det.

Med abonnement? Har ikkje Viaplay i dag. 399,- for Viaplay Medium er billegaste abonnement som inkluderer sport. Du får sett det meste av slag frå enkeltspelarar på masters.com, men hovedsendinga er det som er interessant. TV3+ er oppført med Masters på torsdag, men ingenting resten av veka.

Er det kun på Viaplay du får sett Masters? Står ingenting om Masters på sendeplanen til Vsport Golf-kanalen.

Finanskrisa?

Eg har gjort liknande og fekk ny skattemelding per år.