torbjornen

Meir om Kjerkhol-saka: https://www.nrk.no/norge/flere-tekstlikheter-funnet-i-helseminister-kjerkols-masteroppgave-1.16725113

Og for at det ikkje skal vere nokon tvil. Dette er eit sitat. Frå nrk.no. Det er tydeleg at det er fleire enn meg som tykkjer at grensegangen mellom kva som kan kallast plagiat og ikkje kan vere uklar. Det er difor viktig at dei som går på skule eller universitet i dag blir drilla på akkurat dette emnet.

Ser aust-tyskarane med lengsel tilbake på åra med kommunistisk styre støtta av Sovjetunionen? Det er litt ufatteleg at folk i Tyskland med den historia landet har skal støtte Russland og/eller nazisme.

Dersom du har øvd på gamle eksamensoppgåver i matte og får ei oppgåve på eksamen som er omtrent prikk lik oppgåva som du har rekna på før - så vil jo svaret på ein måte også bli eit plagiat. Eller? I det fyrste innlegget i tråden var det snakk om at nokon har kopiert (eller evt. lært seg) fakta og/eller metode. Men han har skrive om teksten (eller har formulert seg annleis). Er dette då ei form for plagiering? Der er vi vel allereie ved bruk av kunstig intelligens. Vil det i framtida i det heile bli mogeleg å skilje mellom plagiering og læring?

Når ein går på skule, enten det er barneskule, ungdomsskule, vidaregåande, høgskule eller universitet les ein det som står i læreboka, følgjer med på undervisning/forelesning og prøver å gjenskape dette på prøver eller eksamen. Er ikkje eigentleg all læring ei form for plagiat?

https://www.nrk.no/norge/forlater-sbanken-etter-24-ar_-_-baklengs-inn-i-fremtiden-1.16722918

Det har vel vore hevda at artistane fyrst og fremst tener pengar på å halde konsertar, og at dei tener lite på sal av musikkrettar.

Var det ikkje noko som heitte kassettavgiftsfondet? Jaudå, det var det. https://snl.no/Fond_for_lyd_og_bilde

https://www.nrk.no/norge/fikk-1500-nye-kunder-etter-sbanken-kutt_-_-her-renner-det-inn-1.16722377 Eg tykkjer dette blir meir og meir uklart. Vil ein kunne utføre alle tenester via nettbank etter 27/3, eller må ein ha app? Elles lurer eg på kva som vil bli skilnaden på dei ulike konsepta, og då særleg når det gjeld prisar for fonds- og aksjesparing. I dag er det slik at Sbanken betalar tilbake returprovisjon for fond, og denne er vanlegvis større enn plattformhonoraret. Dermed får ein tildelt ekstra andeler i fonda. Dette i motsetnad til Dnb, der platformhonoraret blir trekt frå konto utan at det blir gitt noko i retur. Korleis blir dette i framtida?

https://www.nrk.no/tromsogfinnmark/bortfort-fra-ukraina-_-pa-russisk-barnehjem-stottet-av-norsk-grunder-1.16707985

Kan du ikkje berre behalde ein tom konto og bankid i Sbanken/Dnb?

Det var vel elles det same ordet som iranarane brukte som unnskyldning for å angripe Pakistan.

Er det i det heile mogeleg å flytte aksjesparekonto og/eller fondskonto frå Sbanken til ein annan bank?

I skifteprotokollane frå 1700-talet endar teksten ofte med "... og saaledes bliver intet at arve" e.l. I tilfelle der gjelda var større enn verdiane er lista over arvingar ofte unøyaktig eller manglar heilt. Av og til er det nemnt noko om regress, men dette gjeld vel berre mot ektefellen? Det er heilt sikkert folk i forumet hos Digitalarkivet som kan utdjupe dette. Og det kan heilt sikkert også "vår" eigen, kunnskapsrike @krikkert.

Kundebasane blir slått saman og overført til Dnb sin nettbank frå 22/3.

Eg har aksjar og fondssparing i Sbanken, og tykkjer at det er vanskeleg å sjå kva som er urealisert gevinst (umogeleg å finne for kvar enkelt transaksjon), kva skattemessige inngangsverdiar ein har, kva kostnader ein betalar, finne "normale" kontoutskrifter og årsoppgåver osv. Dette var mykje enklare å sjå før når ein hadde dette i VPS. Det blir ikkje betre av at det vart brukt feil inngangsverdiar ved overføring (for nokre år sidan) av aksjesparekonto frå Dnb, slik at det ser ut som at eg har inngangsverdiar nær 0 og ein vanvittig gevinst. Det hjelper heller ikkje på inntrykket at banken brukt feil likningsverdiar på rentefond ved forrige årsskifte, og at eg måtte kontakte banken to gonger før dei inrømte feilen, laga ny årsoppgåve og sendte rette oppgåver til Skatteetaten. Eg er spent på kva endringar som vil komme, men ser iallefall fram til eit meir ryddig kundeforhold i Dnb sin nettbank.

Slik ser det ut nede i sprekkene i Grindavik: https://www.nrk.no/urix/redningstjenesten-pa-island_-_-vi-vet-ikke-nar-dette-tar-slutt-1.16719260

Striden rundt den mogelege mobiliseringa i Ukraina var tema i eitt av innslaga i Dagsrevyen. Spørsmålet om vi skal halde fram med å ta imot ukrainske flyktningar blir tema for "Debatten" i kveld. (Det var også eit innslag om krigsseglarane og 102-åringen som bur på sjukeheim i Storbritannia, og som norske styresmakter ikkje vil hjelpe).

.

Samisk nasjonalisme er ikkje det eg har mest greie på, men eg har ein viss sympati for sørsamane som opplever å få øydelagt beiteområda der dei har hatt beiterettar i lang tid. For dei er dette alvor, og dei er nok glade for støtta dei får frå samar generelt. Sørsamane er ein liten minoritet blant samane. Elles er spørsmålet om utbygging av naturområde vs. vern av natur og kultur eit viktig prinsippspørsmål, og det er også mange andre stader der ein vil kunne få liknande konfliktar. Eg trur uansett at vindkraft aldri vil monne i det grøne skiftet. Krafta er dessutan for ustabil. Det vil nok vere meir fornuftig å satse på m.a. atomkraft. Politikarane er derimot ikkje villige til å ta dette inn over seg, på same måten som dei ikkje har tatt inn over seg den endra sikkerheitssituasjonen. Men no får eg vel gje meg med samar og vindkraft, som kan vere eit godt tema for ein eigen tråd.

Dette er vel fyrst og fremst fordi miljørørsla har størst tilslutning på venstresida. Det var vel Siv Jensen som ein gong uttalte om Mdg at dei var som ein melon, grøn utanpå og raud inni.

Det spørst kor lenge vi hadde hatt mjølkeproduksjon i Norge dersom det hadde gått slik. Marknadsordningane er der av ein grunn. Det å ha landbruk i heile Norge er eit politisk val.