Det er ganske trasig at me i eit av verdas rikaste land har eit så stort fokus på at mat skal koste så lite som mogleg, når me i tillegg produserer mykje kvalitetsvare sjølve som blir nedprioritert over billig og smaklause greier frå utlandet eller dei store kjedene.
Me hadde besøk av ei frå Sveits som nesten vart litt sjokkert over tilstanden her oppe. Nedover i Europa har dei eit heilt anna forhold til mat, måltider og matglede. Her oppe verkar det som at det viktigaste er at det er billig og enkelt, så ein har tid til 2x100% jobb i heimen.
Eg har handla mykje på Coop opp gjennom åra, men no har det stoppa ganske godt opp. Det er så mykje billig, importert Xtra og Coop-varer at det er reint deprimerande. For ikkje å snakke om dårleg frukt og grønt. Coop er vel samtidig ein av dei, om ikkje den einaste, som ikkje vil vise korleis produksjon av kyllingen deira ser ut.