torbjornen

Mogeleg amerikansk påverknadsoperasjon mot Grønland: https://www.nrk.no/urix/dansk-ud-kaller-usa-inn-pa-teppet-1.17543700 Samstundes får kvinnene som var omfatta av spiralskandalen endeleg ei offisiell unnskyldning frå Danmark. Det burde ha skjedd for lenge sidan. https://www.nrk.no/nyheter/sier-unnskyld-til-kvinner-som-fikk-spiral-ufrivillig-1.17543947

Den demilitariserte sona bør vel i så fall vere identisk med dei områda som Russland okkuperer i dag. I så fall kunne Putin berge ansikt og hevde at den "spesielle militære operasjonen" har vore ein suksess. Ukraina vil på si side kunne akseptere området som "de facto" russiskstyrt, men utan å anerkjenne det som russisk.

Meiner Trump alvor denne gongen, eller er også den nye tidsfristen tomt prat?

Sverige skal visstnok ha gitt 2 svenskproduserte AEWACS-fly til Ukraina. I det sommaren nærmar seg slutten kan ein slå fast at den russiske sommaroffensiven har vore ein fiasko. Men russarane skal ha fått eit nytt gjennombrot i Kupiyansk. Så får ein håpe at Ukraina nok ein gong kan kaste inn nokre reserve-brigadar og få stansa gjennombrotet slik ein gjorde ved Pokrovsk.

Trump endrar meining i eitt sett. Desse restriksjonane burde uansett aldri vore innført. Er det angrepet mot ein amerikansk fabrikk i Ukraina som har gjort Trump forbanna? Eller er det slik at ukrainsk suksess med eigenproduserte missil den siste tida gjer at amerikanske våpen blir meir og meir irrelevante, og at (den dårlege) forretningsmannen Trump innser at ingen vil kjøpe desse når ein ikkje veit om ein får lov å bruke dei den dagen det verkeleg gjeld?

Mondelez står vel framleis på fy-lista over selskap med verksemd i Russland, og som dermed indirekte støttar opp om krigen i Ukraina. Freia - Et lite stykke Russland.

Trump endrar meining frå time til time, men likar autoritære leiarar som Kim og Putin.

https://www.nrk.no/urix/_na-begynner-russerne-a-merke-at-landet-er-i-krig_-1.17536706 Skal tru kor lenge det går før Trump oppfattar at den einaste måten som kan få slutt på krigen er å støtte Ukraina?

https://www.nrk.no/direkte/xl/tetiana-frykter-retur-til-ukraina_-_-som-a-starte-pa-null-igjen-1.17525334

Så det er altså det grøne skiftet det dreier seg om. Det er vel då kanskje billegare å betale for å kutte klimagassutslepp i Kina enn å betale for å kutte klimagassutslepp her heime.

Kjelde? (Om dette var sant burde pengane brukast til å støtte Ukraina).

Det er visst vanskeleg å svare på spørsmål utan å lyge. I det minste laga han ikkje grimasar slik som Putin i Alaska.

Kan det utenkjelege skje at USA tek Russland si side, medan Kina tek Ukraina si side?

Ein må smi medan jernet er varmt og evt. gjere begge deler på ein gong.

Spørsmålet om korleis krigen står eller om Ukraina sin posisjon er betre eller verre om 12 eller 18 månader er det ingen som kan svare på. Når det gjeld Moldova må ein nytte høvet no til å få dei med i EU så raskt som mogeleg medan sjansen er der. Ein må også hjelpe dei med å ruste opp og gje sikkerheitsgarantiar dersom dei ber om det. I tillegg burde ein ha blitt kvitt problemet rundt Transnistria. Enten ved at utbrytarregionen fell tilbake til Moldova, eller ved at dei blir anerkjent som sjølvstendige eller som ein del av Russland dersom det verkeleg er det befolkninga ynskjer. Slik det er i dag skaper Transnistria ustabilitet, og kan bli brukt av Russland til å skape kaos eller til å starte ein ny krig så snart krigshandlingane i Ukraina skulle stanse.

Ta vare på deg sjølv så godt du kan. Ein fare med å reise til Russland no er vel at du lett kan bli utpeika som "spion" og bli teken som gissel.

Om det var meg hadde eg betalt så raskt som mogeleg og teke dette på mi eiga kappe. Eg hadde vore glad så lenge det ikkje var rekna inn renter på den manglande betalinga.

Og i tillegg blir det ein rar familie dersom far og dotter ikkje skulle få ha kontakt med kvarandre gjennom heile oppveksten anna enn via nettet. Diverre er det ofte slik det blir i andre samanhengar der f.eks. innvandringspolitiske omsyn veg tyngre enn born sitt beste eller å kunne halde ein familie samla. Dette var ei nyttig påminning om at krigen i Ukraina og verknadene av den omfattar mange enkeltskjebner, og der nokre av desse også gjeld nordmenn. Eg set uansett stor pris på bidraga frå både @engavifog alle andre brukarar som deltek i denne tråden med sine ulike innfallsvinklar. Alt dette gjer at ein får ei betre forståing av kva som skjer både i Russland, Ukraina og internasjonalt.

Den norske grensa mot Russland bør mineleggjast slik som det blir gjort langs resten av grensa mellom Russland/Belarus og NATO.

Her kan ein vel iallefall svare nei på spørsmål nr. 2: Eit nytt Srebrenica er meir sannsynleg enn at kinesiske fredsstyrkar skulle skyte tilbake mot Russland. Den kinesiske fredsstyrken med FN-mandat kan derimot ha noko for seg dersom den blir utstasjonert på russisk jord den dagen Ukraina igjen kontrollerer sine internasjonalt anerkjente grenser slik dei var fram til 2014.

Det viktigaste er at det blir ein deal som Ukraina kan akseptere, deretter at det blir ein deal som ikkje berre legg til rette for neste krig mot eit anna europeisk land. Putin har gambla ganske høgt for å nå sine mål, og vi veit ikkje kor ille det står til bak all propagandaen eller kor nær ein er at Svanesjøen blir sendt på russisk tv. Ein krig har mange fasar, og det kan godt hende at det er Russland som har mest å vinne på ei våpenkvile og som har mest å tape på at krigen held fram. Evt. kan det også vere slik at Putin er avhengig av at krigen held fram, og at ei våpenkvile kan føre til at kritiske stemmer får større spelerom og at folk byrjar å spørje om krigen var verdt det. Både Europa og USA kan auke støtta til Ukraina. Det som manglar er politisk vilje.