torbjornen

Det er vel i slike tilfelle at ein treng samsvarserklæringa, og då særleg dersom det blir brann av det.

Det er i dag krav om at det ikkje skal brukast støpsel til varmtvasstank fordi denne løysinga er sårbar/brannfarleg på grunn av høg straum over tid. Dersom ein gjer noko med anlegget som f.eks. å skifte varmtvasstank slår kravet inn. Eg har sjølv ein slik varmtvasstank, og ved "privat" kontroll (som ein betalar for) har eg fått råd om å følgje med og å sjekke støpselet av og til. Eg meiner å hugse at dersom gummien skulle byrje å løsne er det teikn på varmgang.

Kva dersom dottera til denne politikaren trur på ånder og giftar seg med ein sjaman, samstundes som svigerdottera sin son frå eit tidlegare forhold blir blanda inn i ei valdssak? Bør presidenten, som eigentleg har gjort ein god jobb då skiftast ut? Eller bør ein til og med endre styreform?

I denne samanhengen må du hugse at også kommersielle kanalar som tv2 treng statsstøtte for å overleve. Så noko statsstøtte må til uansett, men den kunne ha vore redusert samstundes som ein opna for (meir) reklame.

Laptopen var bestilt frå elkjop.no under black week i november 2022, og eg har funne eposten med kvitteringa. Dette må vel vere ei garantisak? Er det mogeleg å levere inn maskina i ein fysisk elkjøp-butikk?

Eg har ein laptop som oppfører seg merkeleg. Samsung, kjøpt for eit par år sidan. Rett som det er byrjar den å spy ut 5-tal. Samstundes virkar ikkje 5-tasten, samt at nokre av tastane ikkje virkar når eg held inne Shift-tasten for å få stor bokstav. Touchpaden virkar i periodar heller ikkje som han skal. Er dette virus, eller er det eit hardwareproblem? Er det nokon som har vore borti liknande?

Nettopp. Dei har vore saman sidan dei var unge. Om ein finn kvarandre når ein er 50 blir det ingen etterkommarar. Så i alle parforhold som varer til folk blir gamle må det vere noko "feil" med mannen? Eller er kanskje menn og kvinner meir like enn det du vil ha det til?

Eller så greier Leo Ajkic å vere objektiv og å halde ein viss avstand til ei sak, der Tore Strømøy blir dregen litt for mykje med slik at han ikkje greier å vere like objektiv. Det blir fort eit problem.

Vil dette bli godteke dersom det blir kontroll på anlegget?

Løysinga er vel då å sende ein fisketrålar i førevegen.

Det våte vêret ein har hatt i sommar gjer nok at forholda for sopp er gode. Her i Sunnfjord har det ikkje vore mange dagar utan regn sidan i juni, og augustnedbøren slo alle rekordar med god margin.

Her er du inne på noko. Var dette private meldingar som vart lekka? Det er ikkje noko gale i å fortelje om ei sak ut frå overgriparen sitt synspunkt. Det er heller ikkje noko gale å tru det eine eller det andre, så lenge ein opptrer nøytralt og held seg til fakta. Men feilen han gjorde var vel å uttale seg skriftleg privat om sine private synspunkt, utan å tenkje over at dette kunne bli offentleggjort.

Men ikkje redaktør.

Elles er dette nok eit eksempel på Kina som utnyttar Russland. No også militært.

Det er vel akkurat det som bør gjerast. Sanksjonane må omfatte all handel med varer som inneheld komponentar som kan brukast av den russiske krigsmaskina. Det same må gjelde for Kazhakhstan og andre land i Sentral-Asia som blir brukt som mellomledd.

Om Biden i utgangspunktet var redd for "eskalering" har Russland og Iran med dette allereie eskalert. Og då blir jo dette ein naturleg konklusjon. McCaul er forresten ingen kvensomhelst. Det var han som er republikanaren som i ei kongresshøyring av Blinken i mai peika på ISW sitt kart over trygge soner russarane kunne operere frå, og som sa at det ikkje var kongressen som hadde lagt restriksjonar på våpenstøtta.

Storbritannia har vel tradisjonelt vore USA sin nærmaste allierte. Ein får håpe at Starmer kan greie å overbevise ein aldrande Biden om at dei kunstige restriksjonane må vekk.

Korleis ville det gå med fri journalistikk dersom ingen journalistar torde å ta i kontroversielle saker i frykt for å bli brukt som syndebukk av redaktørane? Er det ikkje redaktøren som har det overordna ansvaret for både sakene og journalistane sine? Her er 3 mogelege forklaringar på kva som kan ha skjedd: Tore Strømøy nektar å følgje redaktørane sine krav og velmeinte råd. Samarbeidsproblem og tillitskrise internt og eksternt gjer at han blir ei belastning for Nrk, og han får sparken. Redaktørane har gjort feilvurderingar, og skubbar ansvaret over på Tore Strømøy som blir brukt som syndebukk. Tore Strømøy nærmar seg aldersgrensa til NRK, og appelerer ikkje nok til ungdommen. Kontroversane den siste tida gjev Tore eit imageproblem, og NRK nyttar seg av høvet til å bli kvitt ein trufast medarbeidar som har jobba for- eller i NRK i nesten 40 år. Kva er rett?

Poenget var at eg er fornøgd med monarkiet slik det er, og at eg meiner at det finst langt viktigare saker å diskutere. Men vi får evt. ta vidare diskusjon om EU i ein annan tråd.

Kva skjer dersom du skrur av adblock?

Det kan vere mange årsaker til at TS ikkje kan eller vil svare. Det er klart at ei oppdatering ville vere interessant for oss som har følgd tråden, men vi må ha respekt for at dette er heilt opp til TS sjølv å bestemme.

Fyrste gong Tore Strømøy dukka opp på TV var vel her: https://tv.nrk.no/serie/gofot-paa-laaven/sesong/1992/episode/FSTL71005192 Nrk er ikkje det det ein gong var, og ein har gått vekk frå gode kvalitetsprogram som samla heile familien for å prøve å lokke til seg ungdommen. Tore Strømøy høyrer til i ei anna tid. Men det burde framleis vere mogeleg å lage kvalitetsprogram til ein annan kanal. Får vi kanskje ein eller annan gong sjå "Tore på nye eventyr" som podcast på VGTV? Eg håpar at ein ikkje har sett Tore Strømøy for siste gong. Når det er sagt, så må ein også hugse at artikkelen fyrst og fremst viser berre den eine sida av saka. Den andre sida av saka veit berre redaktørane i NRK, som stort sett har valt å halde tett. Retting: I følgje Wikipedia har han vore på TV allereie frå 1988. https://no.m.wikipedia.org/wiki/Tore_Strømøy

Er det som står her feil? https://www.grontpunkt.no/aktuelt/nyheter/den-utskjelte-korken Dette er trass alt av dei mindre viktige sakene som blir bestemt over hovudet på oss, men Norge burde uansett ha plass rundt bordet når slike ting blir bestemt. Eg er elles stort sett einig i det du skriv.

Er det då slik at 38% heller vil ha republikk, eller er det slik at mange ikkje har noko meining verken for eller imot? Desse tala vil truleg endre seg igjen når det blir mindre støy rundt Märtha og Marius. Skulle det bli ei nasjonal krise som 22/7 vil støtta kunne auke ytterlegare. Når det gjeld politikk har folk flest dårleg hukommelse. Men når støtta til kongehuset byrjar å nærme seg 50% bør varsellampane uansett byrje å lyse raudt. Mi meining er som tidlegare nemnt at kongen, dronninga og kronprinsparet gjer ein god jobb, og at dei bør få halde fram med det. Ein politikar i same stilling ville nok også kunne gjere ein god jobb med å representere heile Norge, sjølv om eg ikkje likar tanken på det. Uansett, så er det langt viktigare saker som folk burde vere opptekne av enn dette. Eit godt eksempel er forholdet til EU. Norge innfører mange lover og reglar som blir bestemt i Europa utan at dei er tilpassa norske forhold, eksempel er alt frå kontroll over krafta vår til dei idiotiske EU-korkane som har dukka opp på alt frå mjølkekartongar til brusflasker. Her har Norge tilsynelatande ingen ting vi skal ha sagt. Samstundes rasar krigen mot Ukraina, ein krig som er like mykje mellom fascistane i Russland og sine allierte i Nord-Korea, Iran og (delvis) Kina og den frie verda med EU og USA i front. Spørsmålet er om ein i denne situasjonen ville ha vore betre tent med å slå oss saman med EU, slik at ein kunne sitje ved bordet og ha ei stemme når viktige eller mindre viktige beslutningar blir tekne. Evt. kunne ein ha meldt seg ut av EØS og gjenvinne sjølvråderetten slik britane melde seg ut av EU, men der resultatet sannsynlegvis ville vere økonomisk tilbakegang og mange ulike problem. Ein heil generasjon er komne til sidan 1994, og har aldri fått seie si meining i ei folkeavstemming. (Eg var sjølv fødd 1 år for seint, men stemte NEI i skulevalet). Skal ein fyrst diskutere prinsippielle saker er det saker som dette som er viktig å diskutere

Eg tykkjer at oppdateringane dine pleier å vere interessante, så eg håpar at vi ser deg att om ikkje så lenge. Det er vel internett i Ukraina også, så spørsmålet er vel kanskje kva du får tid til? Det står elles stor respekt av at du gjer konkrete bidrag for å støtte Ukraina i denne vanskelege tida. (bojangles sa dette betre enn meg).