torbjornen

Du krev noko av jødar, men vil ikkje krevje noko anna av muslimar. Innlegget ditt viser at jødar og muslimar som minoritetar er i same båt. Altfor mange føreset at alle jødar støttar Israel eller at alle muslimar støttar islamisme og terror. Det er dette som er fordommar, og som lett blir rasisme, antisemittisme eller ... ein kan kalle det kva ein vil. Og det er lett å tenkje slik, fordommar er noko som vi alle har i ein eller annan samanheng.

Men dersom det hadde vore samarbeid og eit felles arrangement ville vel det mossaiske trussamfunn som medarrangør ha hatt ein del å seie når det gjeld kven som fekk halde talar? Når ein derimot tek eit val om å setje seg sjølv på sidelinja mistar ein sjølvsagt denne mogelegheita.

Blir det Norge som skal berge Ukraina meir eller mindre på eiga hand?

Om han har sett slike feller på ei tomt burde det vere ganske enkelt å dokumentere dette med bilete.

FOR er vel ikkje noko anna enn Russland sine agentar/nyttige idiotar. No må du heller ikkje gløyme den etniske rensinga som går føre seg på Vestbreidda. Den israelske regjeringa gjer kva dei kan for å hindre ei tostatsløysing. Då må verdssamfunnet krevje at det blir ei einstatsløysing der alle borgarar har like borgarrettar uavhengig av etnisitet eller religion. Og ikkje status quo, ein slags uoffisiell apartheidstat som er det den israelske regjeringa og store deler av den israelske befolkninga eigentleg ynskjer. Men denne diskusjonen er uansett langt ute på viddene i forhold til temaet, som er at ein ikkje kan greie å samlast om ei felles norsk markering av krystallnatta.

Tullprat. Det er då fullt mogeleg å støtte Israel sin rett til eksistens utan å støtte forhistoriske krav på eit mykje større landområde.

Er det eigentleg så mange som meiner det?

Er det så enkelt burde denne konflikten ha vore over for lenge sidan. Det burde ikkje vere vanskeleg for antirasistisk senter å komme med ei erklæring om at dei støttar Israel sin rett til å eksistere.

Eg ser absolutt poenget. Berre så det er sagt.

Det han meinte med den eine setninga var vel at den kollektive skuldfølelsen for holocaust gjer det vanskeleg for oss i Europa å kritisere Israel. Verken meir eller mindre. Så kan ein diskutere om det er hald i den oppfatninga. Men dette er vel uansett litt på sida av temaet, som er striden som er oppstått mellom det mosaiske trussamfunn og antirasistisk senter.

Om dei seier at dei støttar Israel sin politikk må dei som alle andre tole å bli motsagt. Antisemittisme. Eller rett og slett fordommar. Dette er eit viktig poeng. Mange har også fordommar om at alle muslimar støttar islamisme og terror. Dette er interessant, og gjev vel også eit slags svar på spørsmålet mitt om kor stor støtte leiinga av desse trussamfunna har i den jødiske minoriteten når det gjeld konflikten som har oppstått.

Skal ein då slutte å ha offisielle markeringar av krystallnatta, og overlate heile markeringa til den jødiske minoriteten? Ein viktig grunn også for ikkje-jødar for å markere krystallnatta er at dette er ei historisk hending som aldri meir må skje. Dette angår ikkje berre den jødiske minoriteten, det er noko som angår oss alle.

Rasisme er iallefall eit ord som er mykje brukt, og blir ikkje utdatert før det store fleirtalet meiner det og sluttar å bruke ordet. Om ordet vil lide same skjebne som n-ordet vil berre framtida vise. Skal ein fyrst drive ordkløyveri er vel ordet antisemittisme eit ord som verkeleg er utdatert. Både fordi semittiske folk omfattar både jødar og arabarar, men ikkje minst fordi ordet i svært stor grad blir misbrukt for å fremje eit bestemt syn på konflikten mellom Israel og palestinarane.

Den høgrevridde israelske regjeringa prøver sjølvsagt å utnytte situasjonen til å svartmale den norske regjeringa, undergrave støtta til palestinarane og provosere fram auka splid internt i Norge. Russland kunne ikkje ha drive sine påverknadsoperasjonar på ein betre måte.

Skulle desse revesaksene dukke opp så ofte som enkelte vil ha det til må det vel vere mogeleg å setje opp eit kamera og få teke syndaren/syndarane når dei kjem og skal sjå til saksa/hente eit evt. utbytte?

Eg kan ikkje forstå anna enn at dette er ein avleggs jaktmetode som ikkje har vore lovleg på lenge.

Nei, men det ville iallefall ha vore interessant å vite om arrangementet til antirasistisk senter var så og seie fritt for jødar, eller om det er ei splitting også i det jødiske samfunnet.

Men akkurat det seier eigentleg ingen ting verken om kor stor del av medlemmene som støttar trussamfunnet si linje i denne saka, eller kor stor støtte dei eller antirasistisk senter har hos andre jødar.

https://no.wikipedia.org/wiki/Jøder_i_Norge Var dette eit svar på spørsmålet mitt? Wikipedia-artikkelen nemner ikkje konflikten mellom det mossaiske trussamfunnet og antirasistisk senter.

Det var det eg kommenterte ja. 🙂

Det har vel også hendt at hjort eller andre ville dyr greier f.eks. å ramle utfor og/eller skade seg sjølv i naturen, utan at det i seg sjølv er noko argument for at hjorten bør utryddast. At mange også skadar seg ved å henge fast i skrot eller menneskeskapte hindringar er ei anna- og trist sak.

Sadistar bør sjølvsagt ikkje drive jakt. Men det er fullt mogeleg å vere imot at bestanden av rovdyr skal vekse, og samstundes drive human jakt og å ha medfølelse for dyr. Det er elles naturleg at bønder, reineigarar og andre dyreeigarar gjer det ein kan for å beskytte dyra sine mot liding, noko som ein også er pliktig til. Dette skaper av og til vanskelege dilemma: https://www.nrk.no/sapmi/xl/bonder-og-reineiere-har-mistet-tilliten-til-norsk-rovviltforvaltning-1.17452780 Om ein les artikkelen ser ein at det er gode grunnar til å ikkje støtte aktivistane i NOAH eller andre dyrevernorganisasjonar.

Det er eit godt poeng. Mange av trekkfuglane våre er utryddingstrua på grunn av jakt f.eks. i sør-Europa.

Fiskemåsen (og sikkert også andre måseartar) er vel ein trua art i sitt rette element. Dette er vanlegvis fredelege dyr, og er i tillegg nyttedyr som tek mus og rotter dersom dei kjem til med det. Dei kan vere hissige når dei får ut ungane, men dette varer berre eit par dagar til dei har fått ungane med seg ned i fjøra. For meg, som bur i landlege omgjevnader ved ein liten fjord har lyden av måsen alltid vore synonymt med lyden av sommar. Hadde det vore meg hadde eg heller jakta på kråka for å beskytte den lokale måsebestanden. Men det er vel neppe lov heller.

Fyrst seier du at mennesket er både kjøt- og planteetarar frå naturen si side (som er rett). Deretter seier du på ein måte det motsette.