torbjornen

Eg tippar det er kjerner som har spirt. Men eg er som sagt ikkje ekspert.

https://no.m.wikipedia.org/wiki/Poding https://www.nibio.no/tema/mat/plantegenetiske-ressurser/bevaring-av-plantemateriale/hva-du-kan-gjore-selv/poding-av-frukttraer https://snl.no/poding_av_planter Osv. Mange treff på poding på Google.

Eg fann dette i ein artikkel som rett nok dreier seg om pærer: https://www.nibio.no/tema/mat/plantegenetiske-ressurser/nytteplanter-i-norge/utvalgte-kulturminneplanter/treslag-med-kulturhistorie/rognasal-i-paeredyrkingens-tjeneste

Poding har ein vel drive med ganske lenge.

Eg oppfattar ikkje innlegga hans slik. Det alle er einige om er at Ukraina får for lite hjelp, for seint. Framleis legg vestlege land med USA i spissen avgrensningar på bruk av vestlege våpen, slik at Ukraina må kjempe med ei hand på ryggen. Russland avanserer, og russiske glidebomber øydelegg ukrainske posisjonar. Ukraina blir nekta å bruke vestlege våpen til å ta ut russiske flybasar, slik at ein får slutt på glidebombene. I fjor var det ein brukar (ikkje JK22) som fekk kritikk for å snakke om å kjempe til siste ukrainar. No i dag(?) brukte til og med @Brother Ursusdette uttrykket om USA. Ingen seier at å kjempe mot Russland er nyttelaust. Men derimot at Vesten sviktar Ukraina. Enten fordi ein er redd for atomtruslane og "raude linjer". Eller fordi ein er redd for konsekvensane dersom Russland går i oppløysing. Ei tredje mogeleg årsak er at ein prøver å dra ut krigen så lenge som råd for å svekke Russland mest mogeleg, men som også vil seie å kjempe til siste ukrainar.

Så dette er tre som har spirt frå ei kjerne?

Eg vil tru at det er kjerner som spirer, med mindre trea kjem ut inntil stammen. Er det rotskot bør desse klippast vekk, elles vil dei ta ressursar frå plommetreet som er poda inn på rota, slik eg har forstått det.

Men rota er som sagt eit "villplommetre".

Twitter-tråden gjev vel inntrykk av at også dei vernepliktige er dei som er nedst på rangstigen i Russland. Er det slik at den russiske middelklassen slepp unna krigen uansett, med mindre Moskva eller St. Petersburg blir invadert?

Det er forresten også mogeleg å pode fleire ulike sortar inn på eitt og same tre.

Gammal tråd som har fått nytt liv. Frøet/kjernen i eit plommetre er resultat av kjønna formeiring. Når desse trea spirer får kvart av dei ulike eigenskapar. Desse "villplommene" kan bli gode, men kan også bli tørre eller sure osv., og vil vanlegvis bli mindre og ha dårlegare eigenskapar. Men dersom ein kryssar ulike plommetre (profesjonelt) vil det i sjeldne tilfelle oppstå plommetre/plommer med betre eigenskapar enn originalane. Og vips, så har du utvikla ein ny sort. Poding vil seie at ein tek ein knupp/kvist frå f.eks. sorten Opal og podar på eit snitt i eit anna plommetre slik at dei veks saman. Alle plommetrea av sorten Opal blir då kloner som er poda på rota frå ei ekte kjerne. Rotskot er såleis i prinsippet "villplommer", jf. det eg skreiv ovanfor. Merk at eg ikkje er gartnar, og at mi forståing kan innehalde feil.

Som du ropar i skogen får du svar.

Det er fleire debattantar som pleier å vere optimistiske. Er du ikkje einig i at det er viktig også å få fram problem og utfordringar på ukrainsk side for at ein skal danne seg eit bilete som stemmer så godt som mogeleg med verkelegheita? Ein ser forresten at det kjem nyttig informasjon frå russiske bloggarar, som i ein del tilfelle fortel openlyst om at det går dårlegare for Russland enn det propagandaapparatet rundt Putin vil innrømme. Dette er ein del av det totale informasjonsbiletet.

Alle har sitt eige syn på ting, og det er difor det heiter diskusjon.no Det siste stemmer kort og godt ikkje. Elles tykkjer eg at å diskutere andre forummedlemmer er ein uting, og at denne metadiskusjonen delvis er off-topic. Det er nok no. @JK22bestemmer sjølv kva og korleis han skriv, og så kan ein velje å like det eller ikkje.

Kva meiner du? Tsjekkia og/eller Slovakia?

Men du kan vel for ein gongs skuld seie litt om deg sjølv og kvar du får informasjonen frå. Då blir dette avklart, og du slepp fleire spørsmål som ikkje går på sak. Når ein følgjer med på- og deltek i tråden blir ein uansett litt kjent med kvarandre.

Eg byrjar å tenkje på Tsernobyl-ulukka. Omverda kravde svar på kva som skjedde, men Gorbatsjov har i ettertid fortalt at han ikkje visste det sjølv. Det å ikkje fortelje overordna om ting som går gale er såleis ikkje noko nytt i Russland, men var slik også i Sovjetunionen si tid. Dette skal vere noko av det som gjorde at Gorbatsjov prøvde å endre systemet. Han var ikkje feilfri, men prøvde nok så godt han kunne både med å skape avspenning og å gjere Sovjetunionen til eit meir velfungerande land. Men så gjekk utviklinga raskt, og Sovjetunionen gjekk i oppløysing.

Men dette viser også at Lukasjenko framleis er Putins lydige hund. Når Lukasjenko snakkar om "forhandlingar" oppfattar eg det som at det eigentleg er Putin som ber om ukrainsk kapitulasjon.

Også Denys Davydov er russiskspråkleg, han kjem frå Krim. Det hindrar han verken i å støtte Ukraina eller å lage gode daglege oppsummeringar på Youtube om krigens gang.

Så mange er dei diverre ikkje, iallefall ut frå biletet å dømme. Innbyggjarane er vel stort sett russarar av etnisitet, og støttar opp om "tsaren". Den tyskspråklege befolkninga vart fordrivne etter krigen. Men om det skulle komme ein gnist som kunne starte ein revolusjon er vel kanskje sjansen for å lukkast større no som soldatar frå dette området blir sendt til Kursk for å kjempe mot Ukraina.

Eg seier som Ole Brumm: Ja takk. Begge deler!

Det ville ha vore ei gledeleg utvikling. Eg stilte vel spørsmålet under sommaroffensiven i fjor om det ikkje ville vere enklare å gå inn i Russland for å komme rundt forsvarslinjene og falle russarane i ryggen. Men det er suroviki-linjer heile vegen, samt at det er langt frå Kursk til Donetsk og Luhansk. Russarane får god tid til å omgruppere og grave seg ned før ein kjem dit. Russarane har vel også andre jarnbanestrekningar som dei kan bruke. Det som derimot verkeleg ville snu krigen var om Ukraina fekk bruke klasevåpen mot russiske flybasar, slik at det vart ein slutt på glidebombene.

Dersom Russland prioriterer å sende store mengder soldatar i kjøtkverna for mindre vinningar i aust-Ukraina framfor å forsvare eigne område vil det vere fornuftig av Ukraina å avansere vidare så lenge kostnaden ikkje blir for stor eller området blir vanskeleg å halde. Før eller sidan vil dette svi for Russland.

Eg må innrømme at eg ikkje har følgt så godt med på den konflikten etter at Azerbaijan tok kontroll over Nagorno Karabach. Kor mykje av den armenske sivilbefolkninga er att, og blir dei behandla bra av azerbaijanarane? Har Armenia og Azerbaijan signert nokon endeleg fredsavtale, eller kan ein risikere at Azerbaijan etter ei tid vil forsyne seg av sjølve Armenia, på same måten som at Russland tok kontroll over deler av Ukraina i 2014, for så å gå til full krig igjen i 2022?

Eg er einig i dette.