Gazer75

Når det er mange tusen produkt som treng 2G for å fungere så er det ok? Har ikkje sagt vi skal gå bakover i tid, det er eit tullete argument. Som eg har sagt fleire gongar, dei startar i feil ende. Ein må først krevje støtte for ny teknologi i produkt etter ein dato og så la den gamle bli fasa ut naturleg. Det kan ta 10+ år alt etter kva det er. I staden så har det ikkje vore sett krav og produsentar har produsert med minste krav fordi det er rimelegare. Då er det sluttbrukar som sit att med rekninga og hadde ingen måte å påverke dette. Dei må berre ta til takke med det dei får. Det gjeld vel på det meste som har brukt 2G slik som i bilar, alarmar osv. Ein blir tvinga til å byte ut eit fungerande produkt som lagar unødig e-avfall og nye produkt må produserast med dei negative konsekvensar det har. Meir sjeldne metallar osv må utvinnast. Eg måtte f.eks. byte ut telefonen min fordi Android versjonen vart for gammal og program slutta å virke på den. Ting ein brukar til dagen som bank ID, og bank appen osv. Eg kunne oppgradere Android versjonen manuelt, men då var ikkje telefonen original og det godtek ikkje slike program. Eg var tvinga til å kjøpe ny telefon endå den fungerte heilt fint. Kunne bytta batteri og telefonen ville fungert i fleire år til. Hadde politikarane hatt litt ballar så hadde dei forlangt at f.eks. bilindustrien må finne løysingar på alle bilar produsert etter varsling om stenging av 2G. Men det vil jo aldri skje fordi det kan velte heile industrien økonomisk. Og etter at 2G og 3G nettet forsvinn så blir dekninga berre dårlegare. Eg har knapt 4/5G signal når eg sit inne her eg bur. Når 3G fortsatt var oppe så fekk eg fullt utslag på signal på telefonen, same gjeld fortsatt for 2G enn så lenge. Og då bur er i ein ganske stor tettstad som har god dekning om ein er på dei rette plassane eller om eg går ut. Når signalet er så dårleg så byter telefonen til wifi tale som har sine problem. Lyden vert ofte kutta i nokre sekund med dette. Veldig frustrerande å halde ein samtale når lyden fell bort i 2-3 sekund. Ute i distrikta så har dekninga gått frå ok til veldig variabel eller ingen dekning. Dekning i tunnel er jo reine lotteriet. Kor er sikkerheita i dette? Om det er eit frekvensområde dei skulle ta i bruk for 5G så er det gamle 450Mhz. Det rakk langt opp i fjella utan problem. Men det er vel ICE som brukar dette til sitt mobildata nett.

Er jo eit resultat av at bransjen får styre på som dei vil. Ikkje mykje miljøvennleg IMO. Alt for mykje "forced obsolescence" som dei kallar det. Kjem ikkje på eit godt alternativ på norsk.

Hjelper lite med redundans om ein ikkje kan roame mellom. Fell Telia eller Telenor sitt nett ut så kan ikkje kundar som er på ein av dei roame til den andre. For min del har eg ein viss redundans sidan eg brukar ICE og kundar der roamer til Telenor der ICE ikkje har dekning. Fordelen med å legge ned 2G er jo at frekvensane vert frigjorde for bruk i 5G nettet.

F.eks. ein bilprodusent bryr seg ikkje om lille Norge. Dei brukar retningslinjer og krav frå EU. Vi har jo gitt frå oss typegodkjenninga til EU så då kunne ikkje norske myndigheiter krevje 4G eller betre i bilane som kom til landet. Operatøren av nettet skulle vore uavhengig og så må telefonselskapa leige seg inn. Då treng ikkje kvar operatør ha sitt eige nett og drifte det med alle kostnader som det medfører. Altså det burde vore drifta utan at selskapet skulle tene pengar. I dag har vi mobilmaster med 3 ulike sendarar på same mast eller fleire master på same bygning. Bortkasta pengar... Det er også veldig variabelt med dekning i tunnelar. Alt etter om det er Telia eller Telnor som har gidda bygge ut. Tenk om kvart kraftselskap skulle ha sitt eige straumnett. Det hadde vorte komplett kaos med kraftlinjer over alt. Er ein grunn til at dei har områdekonsesjon.

Krav om Norgespris for å få ein avtale med eit selskap er vel opp til selskapet å bestemme. Og her er det vel kommunen som brukar Kraftriket, som dei eig ein del av gjennom Lærdal Enegi, til å selje konsesjonskrafta si. Er ingen frist så langt eg ser, men for at kundar skal få avtalen frå 1. januar så må ein bestille før 18. desember. Prismessig så er det ganske dyr nettleige frå Sygnir der inne. Fordelen er at dei brukar 1kW intervall på pris opp til 10kW og 2kW for 10-20kW.

Igjen... Dei har starta i feil ende. Reguleringsmyndigheiter burde styre dette og sette krav, ikkje operatørane sjølve. Hjelper lite om Telenor varslar om stenging av 2G i 2014. Det bryr f.eks. ein bilprodusent i Europa seg lite om. Einaste som betyr noko er regulering og minstekrav. I Tyskland så er det 2028. Finland ut 2029. Spania, Polen, Romania og Slovakia ut 2031. Eigentleg så burde det vere unødvendig med så mykje dobbel dekning som det er i dag. Det er fordyrande for forbrukaren.

Problemet her er jo at krav om utstyr med 4G/5G ikkje kom for lenge sidan. Om ein fortsatt har 2G som minstekrav så er det jo det som blir brukt sidan det er rimelegare. Hadde EU bestemt at utstyr etter ein viss dato må støtte 4G så ville ikkje dette vere noko problem. Då vil produkt med kun 2G dø ut før ein eventuelt legg ned nettet som desse treng. Dei har starta i feil ende og lar teleoperatørane styre ting. Eit aspekt som ingen bryr seg om er miljø. Kor mange millionar av dingsar må kastast før endt levetid pga at ein legg ned 2G? Litt som alle radioar som vart kasta ut når DAB kom. Sikkerheita til folk med alarmar er jo også eit problem. Ein allereie pressa økonomi i kommunane blir jo ikkje betre om dei må byte utstyr før endt levetid. Lurar på kor mange gamle heisar som kan få ny modul for alarm osv. Om det ikkje går kva skjer då? Må ein rive heile skiten og bygge ny heis til ein fin sum?

Ikkje sikkert det. Nederland er jo på heimebane.

Problemet er jo at spelereglane for kablane er veldig styrt av reguleringa til EU via Acer. Statnett kan ikkje bruke pengane dei tener på desse som dei vil. Dei skal brukast for å styrke nettet slik at ein reduserer flaskehalsar internt som vil utnytte HVDC kablane betre. Altså at heile Norge skal få Europeiske prisar. Reknar med at dei vedtaka om redusert nettleige frå flaskehalsinntekter som Statnett har fått lov til gjeld inntekter internt mellom våre regionar og ikkje utanlandsforbindelsar. Når ein då styrkar nettet så går inntektene her ned fordi skilnad på pris går ned. Då vil Statnett måtte sette opp nettleiga og det går vidare til sluttbrukar via nettselskapa. Så då må prisen på straum opp på sommaren. Og med meir solkraft så vil jo prisen gå andre vegen. Fine er vel at kraftverka med magasin då kan eksportere meir når sola ikkje skin sidan dei har produsert mindre elles. Vi har jo alt ein god del elvekraft som må gå uansett. Og ein del magasin må sleppe minstekrav i elvar som då også vil produsere kraft mange plassar. Som f.eks. Leiro under Sysendammen som mange sikkert har vore forbi på rv7 over Hardangervidda.

Nettet er synleg på dei fleste flyfoto over heile verden. Det er også kartlagt i dei fleste land. https://openinframap.org er ein visning av Openstreetmap databasen for kraftlinjer og diverse anna infrastruktur. Ein må flytte alt under bakken for at dette ikkje skal vere synleg frå lufta eller satellittar.

Litt spesiell situasjon for Frankrike og Nederland i dag. Vinnaren av gruppe 3 vil kunne møte Norge i ein semifinale dersom dei slår Ungarn. Om Frankrike vinn gruppe 3 så kan det fort bli finale mot Danmark om vi kjem dit. Ungarn-Nederland i kvartfinale kan bli jamn kamp. Ungarn tapte berre med eit mål mot Danmark is siste kamp i gruppe 1. Men då må Frankrike tape med vilje mot Nederland i kveld for å bytte side i tablået. Vinn dei så må Nederland møte Danmark igjen i kvartfinale. Vi vil møte vinnaren av den kvartfinalen om vil slår Montenegro.

Det blir ikkje plutseleg reversert. Desse er planlagt på førehand. Det nordiske systemet har er ein 1400MW reserve for utfall av ein generator. Det er også ramping restriksjonar på HVDC linjene. NordLink og NordNed har f.eks. ein samla restriksjon på 450MW per 15 minutt, NSL er på 465MW og Skagerrak er på kun 225MW.

Dette er for det meste kun riks- og fylkesveg enn så lenge. Dei fleste kommunar har ikkje data i NVDB.

Så batteri backup bør bruke grid forming. Veit ikkje kor utvikla dette er, men vil nok vere svært viktig i framtida. Sikkert svært dyr endå, men burde jo vere noko vind- og solkraftverk kan implementere i framtida for meir stabil levering av straum.

Om landet ein er investert i har lover som krev diverse skattar så er vel det greit. Då må ein vurdere selskapet. Det som er problemet er jo at det er urettferdig for norske eigarar som må betale diverse skattar og avgifter medan utanlandske eigarar i skatteparadis kan snike seg unna. Eg meiner at selskap som er i Norge må behandlast likt uansett kor eigaren held til.

Problemet er vel at denne skatten er flat uansett effekt når ei kjem over grensa. Hadde grunnrenteskatt på småkraft vore delt i trinn så kunne nok ting fungert betre. Dei kunne f.eks. sette den til 2-3% per MVA opp til dagens 10 MVA. I dag er det vel 57,7% flatt når ein er over 10 MVA. Skal denne prosenten gjelde frå 1,5 MVA så er det klart at mange små får problem.

Nei, ein må ha 3 toppar på 3 ulike dagar i ein månad. Så difor vil ein topp ikkje nødvendig vis vere utslagsgjevande for berekna effekt. Om ein normalt sett ligg rett rundt grensa for ein ny pris så er det jo irriterande. Tenker du at ein skal ha ein effekt pris som er per dag? Skal det vere ein time over så er du over, eller eit snitt over 3 ulike timar per dag? Det kunne kanskje gå. For min del så ville det vore 7, 9, 11 og 15 kroner for 0-2kW, 2-5kW, 5-10kW, 10-15kW osv. om ein rundar til heile kroner. Skal ein dele opp i 1kW steg så blir det øre i skilnad per kW.

Er vel berre eit par nettselskap som har 1kW oppløysing og så 2-3 stk med 2kW opp til 10kW. Eine er Sygnir i indre Sogn som har blodpris på effekt. Er null problem å lage forskrift osv som pålegg nettselskapa å bruke 1kW oppløysing på effekt. Kunne vore 1kW opp til 10kW og så 2kW opp til 20kW. Stor skilnad på effekt prising. Elvia tek kun 190kr for 2-5kW medan fleire andre mindre tek 4-500kr for 2-5kW. Vang Energiverk skal ha 688kr for 2-5kW. Korleis tenker du at ein skal berekne effekt om ein ikkje fordeler det? Skal det vere toppen uansett slik at ein blir straffa for den eine toppen i ein månad? Hadde folk kunne styrt denne utan store kostnader for straumstyring så kunne det sikkert vore greit.

Og kor mykje energi og tid går med på å få varmen opp att til skulane startar opp etter ferie? Tvilar på det er så mykje å spare på å skru av. Kanskje senke temperaturen ei grad eller to, men noko meir har lite for seg.

Når offisielle tal er klare så brukar dei desse. ENTSOE er litt forseinka i tid med tala sine. Går ein 2 timar tilbake i tid så er det offisielle tal som gjeld.

Gav opp den sida der når dei ikkje klarte å fikse CO2 verdi på vasskraft. Dei brukar UNECE tal frå 2022 i EU som er 11 gCO₂eq medan i andre land brukar dei IPCC 2014 verdi på 23 gCO₂eq.

Trillar gjer den, men om eg trykker på bremsen så er det regen først og så kjem bremsene på om ein trykker hardare. Men trur ikkje den trillar heilt fritt. Ser at i slak nedoverbakke så visar forbruket nær null som då må nulle ut vanleg forbruk. Bilen brukar 3-400W idle + eventuell HVAC. Om forbruket ligg rundt 1kW så går det i null når bilen trillar. D eller N virkar ikkje ha nokon effekt på dette. E-Golf har "ingen" regen i D mode og så har den D1, D2, D3, og B mode som gir meir og meir.

Er fortsatt regen på e-Golf. Er eit triks med å pumpe for å slå av regen, men har ikkje heilt fått det til konsekvent. Ein på tappe på bremsen kjapt ein gong før ein trykker den inn hard. Problemet er vel også at bilen vert lite brukt. Køyrer vel 6-8k i året kanskje. Heller ingen bakkar å snakke om der eg brukar bilen. Har verken armar eller plass til å fikse bremser sjølv. Har ikkje ein gong kunna byte hjul siste 5+ åra pga helsa. På det verste køyrde eg knapt bil heller. Var vel eit år eg brukte kun ein tank diesel 😛 Ikkje at eg har hatt interesse av å mekke sjølv sidan eg var tenåring og fikla med mopeden

Lurar på om slike ting blir sjekka ved såkalla "utvida inspeksjon". Min 2020 e-Golf var inne til service for slik inspeksjon og det kosta 3800kr. Så kom bremseveske service til rett over 1000kr. Og den verste var nye bremseskiver og klossar bak pga rust. Kosta meg ca 5300kr. Var skremmande dårlege bremser utan at eg var klar over det. Merka det når eg fekk att bilen kor mykje betre dei var. Den gjekk akkurat gjennom EU kontrollen i fjor pga rundt 50% rust på skivene bak. Så til alle som ikkje køyrer mykje og/eller eventuelt brukar mykje regen, det er ikkje verdt innsparinga på straumforbruket.

Næraste under 3kr for meg er vel taket på Gullgruven senter i Åsane utanfor Bergen. Køyrer du nordover så er Evje SuC 4,80. Lyngdal er 5,10 osv.