Gazer75

Alvorlig talt Simen. Med dei nyaste kablane så kan kraftselskapa eksportere meir på kort tid enn før. Det fører til at magasina oftare vert tømde og så må dei sette prisane over resten for at det skal bli import. Vinn-vinn for dei, men det er folk og næringsliv som tapar. Om du ikkje forstår dette så gir eg opp... Prosent av inntekt eg brukte på straum var lågare i alle år før ting tok heilt av rundt 2021. Einast grunnen til at den kanskje er lågare no er jo støtteordningar. Ein kald vinter var kanskje 70-90 øre nokre timar. På sommaren så var det kanskje 30 øre og ofte ned mot null eller gratis. Var ikkje uvanleg å få fastpris på under 50 øre hjå selskapa. I dag er det nesten 3 gongar så dyrt. Vi kan ikkje ha sentral-europeiske prisar på straum når vi har eit heilt anna klima her i nord. Om vi ikkje hadde straumstøtte så ville fyring med ved vore rimelegare halve året for min del. Og eg kunne sikkert fått den rimelegare sidan eg kan kjøpe direkte hjå slektningar på begge sider. Men vedfyring vil vi jo ikkje ha pga lokal forureining. Og ein kan ikkje berre argumentere for at vi har støtteordningar. Desse er unødvendige i eit fungerande system. Skal love deg at det hadde vorte eit ras av personlege konkursar om vi aldri hadde hatt nokon form for støtte. Sikkert mange saker i media om pensjonistar som hadde vorte funne døde etter at dei sparte på straumen osv. Ser for meg ein minstepensjonist som må bruke halve pensjonen sin på straumrekninga.

Ser sikkert fint ut når ein ser på snittet. Prøv å rekne på det for ein minstepensjonist f.eks. Det er ca 280k i året. Skatten er 0 på så lite pensjon. For min del er straumen no 5-10% av det eg har å rutte med per månad alt etter årstid. Og då snakkar vi om Norgespris altså. Utan nokon form for støtte etter prisane gjekk opp, som du vil ha, så ville eg mest sannsynleg vore personleg konkurs for lenge sidan. Men fordi eg tener "godt nok" så har eg ingen rett på støtte frå det offentlege om eg går tom. Så då blir spørsmålet om ein skal fryse eller svelte for å ha nok pengar. Kan jo heller ikkje spare eigenkapital til å faktisk ha råd til å kjøpe husvære heller når prisane aukar meir enn det ein sit at med netto. Høg straumpris er med å presse KPI opp endå meir.

https://www.nrk.no/vestland/krypto-smell-i-sogn_-regjeringa-seier-nei-til-omstridd-straumavtale-1.17876843 Heilt vilt kor mange folk i kommunane som blir sure for dette. Jaggu på tide seier no eg. Ein må sjekke nøye før neste kommuneval kven som er mot denne endringa. Er jo knapt lokalt tilsette ved slike datasenter. Alt er fjernstyrt og fysisk vedlikehald vert sett bort til eksterne som ofte held til i byane langt borte. Kommunen får vel støy og eigedomsskatt... For min del kan ingen parti eller politikar i kommunen som er for å bruke konsesjonskraft på datasenter og krypto få mi stemme. Hadde det vore opp til meg så vert slike bannlyst frå lokal politikk resten av livet 😛

Men selskapa kan vel bestemme om dei vil produsere frå ein kraftstasjon eller ikkje? Dei kan vel også bestemme om dei vil bruke vatnet til å stille reserve i markedet eller produsere vanleg?

Var det ikkje høgresida som styrte når stortinget vedtok dei to siste kablane?

Så du har i snitt ikkje meir å betale på kvar månad? Om du har hus så har du diverse kommunale avgifter og forsikringar som sikkert brukar halvparten av det. Ein gjeldfri bil kostar minst 500kr/mnd i faste utgifter (forsikring+årsavgift) utan at den blir brukt. Lever du på luft eller? Husleiga mi er på 9000kr/mnd, som er godt under snittet her, og så skal det betalast for straum og mat osv.

Vi importerer høgare straumpris i snitt. Hjelper lite med korte periodar med rimeleg vind og solkraft når resten av året blir dyrt. Spesielt på vinteren når vi brukar mest. Eit system utan flaskehalsar vil ikkje fungere for oss. Klimaet vårt er ikkje likt med resten av Europa. Vi vil ende opp med at fleire byggjer for å kunne fyre med ved som heller ikkje er bra. I moderne omn vil 1000L bjørkeved til 1600kr vere billegare å fyre med når straumen kostar 1,50kr/kWh + nettleige. Skal resten av Europa redusere forbruket av gass så vil dei også få merke høge straumprisar. Fjerne alle ordningar for redusert staumpris ville berre gått ut over dei som slit frå før. Det vil også redusere anna forbruk som igjen vil gå ut over bedrifter rundt om i landet. Folk har rett og slett mindre pengar å bruke på andre ting. Bedriftene blir då straffa dobbelt med auka produksjonskostnad og mindre sal av produkt og tenester. Staten blir kanskje rikare, men ikkje folk flest. Høyrest ut som eit forslag frå høgresida slik at dei kan fjerne formueskatten. Du snakkar om at stat og kommune tener meir. Men for kommunane så får dei auka utgifter til straum som et opp eventuelt ekstra utbytte frå kraftselskapet. For dei fleste så er utgiftene større. Oppvarming av skular og andre offentlege bygg kostar flesk og dei får vel ikkje straumstøtte. Er mange kommunar som eig ein svært liten del i kraftselskapa. Vi ser jo på nyheitene kor flinke desse kraftselskapa er til å bruke pengar på ting som ikkje er liv laga.

Det har kome minimalt med ny produksjon sidan kablane til UK og Tyskland opna. Poenget med mindre ekportkapasitet er at magasina ikkje vert tømde så enkelt som no. For forbrukaren så er litt overløp i magasina nokre år betre enn at magasina er tomme og ein må importere dyr kraft frå utlandet.

Du snakkar jo litt mot deg sjølv. Du klagar på høg skatt men seier du ikkje treng meir. Kor vil du finne ca 30 milliardar som manglar om ein fjernar formueskatt? Her har høgresida eit forklaringsproblem. Kvar gong dei vil redusere skatten på toppen så blir diverse støtteordningar til dei svakaste redusert eller fjerna i det stille. Om du har tent godt og skatta godt av både inntekt og formue heile livet så har du sikkert bidrege meir enn dei fleste allereie. Så ser ingen problem med å redusere jobb eller ta tidleg pensjon om det er råd.

Vi har jo sett korleis det har gått før når det var lite snø. Sist var vel rundt 2010. Får håpe Svenske atomkraftverk kan produsere for fulle mugger nesten vinter. "Heldig vis" så kan vi jo importere dyr straum frå UK og Tyskland no som vi ikkje kunne sist. Ikkje så farleg om vi får konkursras i bedrifter og auka arbeidsløyse. Kjenner eg politikarane rett så blir nok "norgespris" auka med 10 øre om den fortset i 2027. Minimum KPI justert. Så langt er den opp nesten 3,6% siste året.

Dei får prisen som er sett i NO2 så klart.

Om du har sagt opp jobben går det 18 veker før du får dagpengar. Du må vere registrert som jobbsøkjar. Takkar ein nei til relevant jobb utan rimeleg grunn vil ein miste dagpengar i 18 veker.

Beklagar, men då har du svært lite å klage over IMO. Om ein f.eks. tener 2 millionar så må ein ha over 21 millionar i formue for å ende med skatt på 50% totalt. Doblar ein inntekta så må også formuen opp pga marginalskatt. Då er vi på over 27 millionar i formue. Eg er godt under median i året og klarar meg heilt fint. Men hadde nok vorte smalhals om eg skulle forsørgje nokon samtidig.

@obygda Du må ha ein ekstremt høg formue eller ei svært høg inntekt for å kome opp på 50% skatt. Eit reknestykke: 1 million inntekt + bustad verdsett til 6 millionar + 2 millionar i banken. Sambuar eller gift og heile bustaden står på deg. Det gjev då 16k i formueskatt og rett under 247500 kr i inntektsskatt. 76k er trygdeavgift. Ein skattar altså 16k for formuen men får lett over 80k i renteinntekter på ein så stor sum i banken. Totalt rett under 339500kr i skattar og avgifter. Det er langt frå 50%.

Trur endringane for uføretrygd er slik at det skal vere meir lønnsamt å arbeide litt. 130k brutto og så blir ein trekt opp til 70% i trygd av det ein tener ut over det. Prosenten er inntekt ved 100% ufør delt på inntekt før ufør. Ein skal hugse på at taket på uføretrygd er 66% av 6G ved 100% ufør. Frå 1. mai blir det nesten 541k brutto. Skatten på slik inntekt vil då vere rundt 23%. Har ein born under 18 heime så kan ein få opp til 0,4G per år per. Men her er det ein del vilkår for samla inntekt i familien osv.