torbjornen

Å ha eit slikt verv i 10 år er lenge. Ein skal vere takknemleleg for at Stoltenberg har vore villig til å stå i stillinga over så lang tid, og ein kan ikkje forvente at han skal måtte ta enno ein periode.

Det same kan nok sikkert seiast om Raudt. Dei færraste er vel begeistra for det som Russland gjer i Ukraina, men det virkar å vere ei naiv tru på at dersom vi berre sluttar å forsvare oss så blir det fred i verda. Ein har dessutan blikket festa på krigen på Gaza, medan skylappane hindrar ein i å sjå kva som skjer i resten av verda.

https://www.nrk.no/norge/norske-elever-er-med-pa-a-produsere-vapen-1.16757124 SV har visst ikkje noko imot det om vi i Norge blir tvinga til å snakke russisk i framtida. Korleis skal ein kunne forsvare seg mot land som Russland i framtida dersom ein ikkje skal kunne utdanne den arbeidskrafta som trengst?

Eg ser ikkje noko stort poeng med NATO-soldatar i Ukraina. Ukraina må fyrst og fremst få det utstyret og den ammunisjonen dei treng, slik at dei kan jage russarane vekk. Så lenge Ukraina ikkje har akutt mangel på soldatar er det liten vits i å sende NATO-soldatar inn i kjøtkverna. (Blir det nødvendig å setje inn NATO-soldatar ved fronten vil det vere nok eit bevis for at Vesten si støtte så langt i krigen har vore alt for svak, og at store mengder ukrainske soldatar har mista livet heilt unødvendig). Men NATO-soldatar kan ha ei viktig rolle når det gjeld å trene ukrainsk personell eller til å utføre sørvis og vedlikehald. Det same gjeld etterretning. Både Storbritannia og USA har allereie folk inne i Ukraina, og det ville heilt sikkert vere mogeleg å gjere meir av dette.

Følgjande får meg til å flire litt: 2024: https://www.nrk.no/tromsogfinnmark/per-willy-amundsen-far-kritikk-for-uttalelser-pa-facebook-1.16795828 2018: https://www.vg.no/nyheter/innenriks/i/3jXG0d/sylvi-listhaug-slettet-omdiskutert-bilde-fra-facebook Men det er jo bra dersom Listhaug og andre har lært at ein bør diskutere på ein sakleg måte i sosiale media.

Tyrkia er vel ikkje det landet eg har mest tru på. Landet er kjent for eit nært forhold til Russland (men også Ukraina), smugling av vestlege komponentar og deler til Russland, samt Erdogan si trenering av svensk NATO-medlemsskap. Tyrkia forhandla fram kornavtalen som Russland seinare braut (Russland pleier som kjent å bryte avtalar når det passar), men som ikkje lenger er relevant etter at Ukraina har pressa den russiske Svartehavsflåten austover etter mange vellukka angrep. Kan vi vente oss positive overraskingar som kan hjelpe Ukraina i kampen mot Russland?

Armenia er vel også ein kandidat.

Dersom ein bank har nettbank kan ein logge inn frå ein vilkårleg nettlesar, inkludert den/dei nettlesarane som ligg på mobilen. Så gevinsten ville berre vere at ting tek litt lenger tid.

https://www.nrk.no/urix/telegram_-populaer-app-for-nyheter-om-krig.-forst-ukraina-og-russland_-og-na-gaza-og-israel.-1.16777612 Mykje av det same kan vel også seiast om twitt.. x.

Og slike hendingar som dette burde i det minste føre til at land som Hellas trappar opp støtta til Ukraina og gjev det dei kan.

Den siste setninga er det vanskeleg å ikkje vere einig i.

Litt om "usynlege" Kamala Harris og spørsmålet om kvifor ho aldri vart noko godt alternativ til Biden. https://www.nrk.no/urix/hva-skjedde-med-kamala-harris_-1.16790402

Dette burde vel også kunne brukast i Ukraina.

På ein måte tykkjer eg at det mest korrekte er at han blir "dømt" av folket i USA. Om det er slik at eit fleirtal av amerikanarane verkeleg ynskjer å velje ein kriminell og ein Putin-venn og beundrar av autokratar må dei kunne gjere dette. Ulempa med demokrati er at det av og til blir valt folk som ein ikkje er einige med, og som absolutt ikkje burde ha blitt valt. Men så får vi krysse fingrane for at Biden og demokratane vinn ein så stor siger som mogeleg, både i sjølve presidentvalet og i dei to kammera i kongressen.

https://www.nrk.no/urix/nikki-haley-gir-seg-i-presidentkampen-1.16792064 Eg håpar at ho blir gitt ein ny sjanse ein annan gong. (Dette sjølv om eg meiner at det må leggjast press på Israel, slik at ein kan få til ei tostatsløysing eller noko liknande som gjev varig fred).

https://www.nrk.no/tromsogfinnmark/navalnyj-bilder-utsatt-for-haerverk-1.16792368 Er det Putinvennlege russarar som står bak?