torbjornen

Er det nokon som høyrer etter kva denne mannen seier lenger?

Kven veit? Det Stoltenberg har sagt er at det (sjølvsagt) vil bli forhandlingar ein eller annan gong, og at målet er å støtte Ukraina slik at dei har eit best mogeleg utgangspunkt når ein skal forhandle. Han har også sagt at ein vil støtte Ukraina "as long as it takes". Mykje vil difor vere avhengig av korleis krigen utviklar seg vidare, og av kor mykje land Ukraina greier å ta tilbake. Det verste som kan skje er ein stillingskrig/frosen konflikt som varer i mange år. Då vil Russland lære av sine feil og hente seg inn att, samstundes som ei krigstrøytt befolkning i Ukraina før eller sidan vil krevje ei løysing som får slutt på krigen, samt at dette vil tære på viljen til å støtte Ukraina. Dette vil ikkje vere så ulikt situasjonen i Georgia og Transnistria. Det er nok dette Putin håpar på.

Det vart nemnt i eit innlegg at Norge burde slutte å sende naudhjelp til russistiske land i Afrika. Diverre er det slik at naudhjelp ofte har vore misforstått, og skapt nye problem i staden for å løyse dei problema dei skulle. Ein har sett at lokale bønder eller bedrifter har blitt utkonkurrert av naudhjelp, og at land vart avhengige av den. Eller at pengane forsvinn gjennom korrupsjon. Ofte har "hjelpa" gått til å styrke bedrifter i avsendarlandet i staden for å utvikle dei landa som skulle "hjelpast". Den siste utviklinga er at rike land som Norge dyttar "hjelp" på andre som ein slags avlat for klimaproblema som i stor grad er skapt av vestlege land, nok ein gong utan å ta omsyn til lokalbefolkning eller lokale forhold. Eksempel er skogplanting i matfatet til fattige bønder betalt av rike bedrifter i Norge, og no sist vindmøller som truar med å fordrive lokalbefolkninga. Og inntektene hamnar sjølvsagt heilt andre stader enn lokalt. https://www.nrk.no/urix/klimainvesteringsfondet-satsar-stort-pa-vindkraft-i-india_-_meir-krevjande_-enn-fosen-1.16460765 Det er eigentleg utruleg at dette skjer i 2023. Det er på tide at vestlege land byrjar å interessere seg for lokale forhold og spør vanlege folk og styresmaktene kva dei treng og vil ha i staden for å tre ting ned over hovudet på folk og bidra til å øydeleggje naturen i desse landa. Kanskje vil desse landa også då i framtida lytte meir på kva vi i Vesten meiner om andre saker slik at dei ikkje fell like lett for russistisk propaganda.

Artikkel om kuppet i Niger, Russland og Afrika: https://www.nrk.no/urix/statskupp-i-niger_-derfor-er-det-fare-for-regionalt-samanbrot-1.16497677 Her kjem demokratia i Vesten til kort. Ein må kanskje slutte med å avvise og fordømme kuppmakarar og militærregime i Afrika, og heller signalisere at ein ynskjer samarbeid? Alternativet er nemleg at fleire og fleire land hamnar i klørne til Russland og Kina. Land i Afrika har opplevd korleis det var å bli styrt av Vesten før, og må få stake ut sin eigen kurs. Då fungerer gulrøter betre enn pisk.

https://www.nrk.no/sport/sterke-reaksjonar-etter-absurde-vm-scener-_-roste-fryktar-fullt-kaos-1.16497835

Russisk våpenlager? Eller evt. falsk flagg-operasjon frå Russland?

Blir ikkje Kina si krigshissing rundt Taiwan nemnt med eit ord?

Ein bør la Norge og andre land halde fram med å sende vaksiner og helsehjelp medan Russland fyller Afrika med enno meir våpen der det er nok krig og elendigheit frå før. Så får ein håpe at folket der ein gong vaknar og landa byrjar å samarbeide med dei som vil hjelpe i staden for dei som berre er ute etter å utnytte.

Nrk:

Det er eit interessant perspektiv, og det er tydeleg at Russland går systematisk fram for å ramme sivile mål. Men no har ein høyrt i eit år at russarane brukar opp missila sine. Likevel ser det ikkje akkurat ut som at dei manglar verken missil eller droner.

Ny type russiske droner skaper problem for ukrainarane. https://www.nrk.no/urix/dette-russiske-vapenet-truer-de-ukrainske-stridsvognene-1.16487158

Berre så det er sagt er vel også mange av dei ukrainske dronene produserte i Kina. Så det store spørsmålet er om- og evt. i kor stor grad Kina støttar Russland, eller om Kina fyrst og fremst utnyttar krigen for kommersielle føremål.

Eg tykkjer at det har vore lite fokus i media på årsaker til det store utbrotet i Finnmark. Er det klimaendringar som er årsaka, eller er fuglebestandane svekka av andre årsaker? Eller er det sjølve viruset i seg sjølv som er blitt hissigare? Det var utbrot av fugleinfluensa i Søraust-Asia for nokre år sidan, der mange menneske vart smitta.

Det heiter seg at like barn leikar best...

Dermed skulle all tvil vere feia til sides. EU legg ikkje hindringar i vegen for transitt av ukrainsk korn.

Ukraina betalar ein høg pris for å gjenetablere status quo. På ein måte ville det ha vore meir rettferdig om mange hadde delt på kostnaden med å gjenetablere status quo, noko som trass alt kjem alle til gode ved at vi ikkje risikerer å bli invadert ein annan gong. Det fyrste som må til er iallefall at Ukraina får dei typar våpen dei treng, og i nok mengde slik at det ikkje går med fleire ukrainarar enn nødvendig for å vinne krigen. Her har Vesten vore alt for trege, og resultatet er at krigen varer lenger enn nødvendig.

https://www.nrk.no/spesial/slik-ble-ukraina-krigen-verdens-forste-fullskala-dronekrig-1.16426350

Det var vel heller ikkje frose då Russland invaderte Ukraina frå nord. Dermed måtte russarane bruke vegane, og ein hugsar bileta av stridsvogner i gjørma og den lange kolonna som stod fast og aldri kom seg til Kiev. Vêret var dermed ein av mange faktorar som gjorde at planen om å ta over Ukraina på 3 dagar feila.

Eg greier likevel ikkje å få tak i kva Kina meiner. Desse båtane har vel vore kontrollerte av FN, og det har ikkje vore funne eitt einaste våpen. Kva meiner ein då med legitime bekymringar til alle partar? Meiner Kina at det er Ukraina sin feil at Russland nektar å forlenge avtalen?

Wagner-gruppa er vel iallefall kjent for at desertørar blir slått ihel med slegge. Det finn sikkert du kjelder på like godt som meg. Når det gjeld den regulære russiske hæren skal eg innrømme at eg ikkje veit. Men eg tvilar på at desertørar blir tekne godt imot for å seie det slik. Antagelegvis ventar fengsel, evt. at dei blir sendt i krigen på nytt som kanonføde med blokkeringstroppar bak. Er det forresten nokon som har høyrt noko til Wagner-avhopparen som var i Norge? Drog han tilbake til Russland, og er han i så fall i live? Var historia hans sann? Redigert: Han er visst framleis i Norge. Merkeleg skrue dette. https://www.nrk.no/tromsogfinnmark/-wagner-avhopper-identifisert-i-grenseomradene-til-russland-1.16458873 ... og sidan du ba om kjelde skal du få ei her: https://en.m.wikipedia.org/wiki/Murder_of_Yevgeny_Nuzhin

https://www.nrk.no/nyheter/polen-apner-reparasjonsverksted-for-ukrainske-stridsvogner-1.16492069

https://www.nrk.no/nyheter/kina-ber-russland-gjenopprette-kornavtalen-1.16492096 Sidan Kina heile tida skal gje inntrykk av å vere nøytrale og av at Russland og Ukraina er likeverdige partar i krigen er det vanskeleg å få tak på kva Kina eigentleg meiner. Elles tykkjer eg at det er rart at ein ikkje høyrer noko til Erdogan. Sist gjekk korntransporten vidare med tyrkisk hjelp utan russisk godkjenning, og russarane måtte akseptere forlenging av avtalen. Har Russland denne gongen med både angrep på Odessa og truslar om angrep på sivile skip greidd å setje sjakkspelaren Erdogan heilt ut av spel i frykt for å utløyse artikkel 5?

https://www.nrk.no/nyheter/ukraina-ma-vente-pa-f-16-fly-1.16491519 Tragisk. Ein har kasta vekk eit år på dette.