TESV: Skyrim - FAQ - 14.11.11 - Utdatert

[Licht]

Skyrim FAQ

 

Innhald

1. Kva er Skyrim?

2. Kva er nytt i Skyrim?

3. Må ein ha spelt tidlegare spel for å forstå historia i Skyrim?

4. Er det level scaling i Skyrim?

5. Kva med Oblivion Gates?

6. Køyrer spelet framleis GameBryo?

7. Burde eg kjøpe Skyrim på konsoll eller PC?

8. Kan eg modde Skyrim?

9. [PC] Har Skyrim nokon form for DRM?

10. For foreldre

11. [PC] Hjelp, eg får ikkje til å installere frå DVD-en!

12. [PC] Få mest mogleg ut av systemet ditt - .ini-tweaking 101

13. [PC] Mogleg fix for CTD og statisk i dialog

14. [PC] Interessante og tiltrådde mods

15. [PC] Vanlege interface-spørsmål

- a. Korleis kan eg binde hotkeys for våpen og spells?

- b. Kvifor er høgre museknapp venstre hand og omvendt?

- c. Korleis låser eg opp Dragon Shouts?

- d. Kvifor er sensitiviteten til X- og Y-aksa ulik?

 

 

Addendum

1 - Har fått spelet no, kan eg spele?

2 - Om mods

 

 

 

1. Kva er Skyrim?

 

Skyrim er det femte spelet i Bethesda Softworks' open world-RPG*-serie The Elder Scrolls (derav forkortinga "TES V").

 

Sidan sist me var i Tamriel (Oblivion) er det enorme Imperiet svekka etter fleire generasjonar utan ein samlande keisar og intern, politisk strid. Dei ytre provinsane har igjen byrja å tenkje på å rive seg laus frå imperiet, og på toppen av det heile flyg det enorme drakar rundt i det som i Tamriel er sivilisasjonen si vugge - Skyrim. Du er ein "Dragonborn" - eitt av dei individa som både er flinke til å drepe drakar, og som har evna til å absorbere sjelen deira.

 

Det er òg i provinsen Skyrim at handlingen no er lagt. Kulturelt er Skyrim heimstaden til den spelbare, vikinginspirerte Nord-rasen, medan topografien har ein del til felles med Noreg. Skyrim er fjellendt, med mykje barskog, mange elvar, og hyppig snøfall i høgda.

 

Kart over Tamriel:

 

 

 

 

 

Kart over Skyrim:

 

 

 

 

 

Kjernegameplayet er som før i serien, med vekt på fridommen til å gjere og vere kva ein vil i ein stor, open verd. Etter å ha skapt ein karakter, slepp spelet deg laus, og let deg gjere kva du vil - uansett om det er å gjennomføre hovudhistoria, oppsøke andre historier, leggje ut på eventyr, eller å fange fisk med berre henda i ein elv.

 

* Det er sikkert nokon som vil seie at TES-spela ikkje lenger kan kallast RPG-ar, eller at dei iallefall burde falle inn under action-RPG-merkelappen - det kan så vere, men det er ein diskusjon for ein annan tråd.

 

 

2. Kva er nytt i Skyrim?

 

I tillegg til at ein som vanleg har fokus på ein ny provins, er det òg ein del mekaniske endringar frå Oblivion til Skyrim.

 

a. Ingen klassar: Klassesystemet frå tidlegare spel er droppa heilt. I staden for at ein vel major og minor (og misc) skills i starten, er det lagt opp til ein "organisk" progresjon kor karakteren definerast av kva for nokre skills du til ein kvar tid nytter - målet er at du skal kunne avgjere spesialisering undervegs.

 

b. Attributes er droppa: Rasjonalet bak dette er at attributtane "til sist berre kokte ned til deriverte attributtar uansett". Om det er eit klokt val får me sjå seinare. Dette tyder i alle fall at gamle travarar som Strength, Speed og Agility ikkje lenger er noko du må bry deg med å investere i når du får ein level. I staden for investerer du no direkte i to (tidlegare) deriverte attributtar - Health og Magicka - og ein "ny"; Stamina.

 

c. Stamina: Har stort sett same funksjon som "Fatigue" i dei edre spela, med den skilnaden at du no kan trykkje på ein knapp for å sprinte, i byte mot ein god del stamina.

 

d. Ein kan bruke båe hender: Ein av dei mest dramatiske endringane frå tidlegare spel er at du no vel fritt kva du vil gjere med båe henda til karakteren din. Det tyder at du fritt kan velje mellom klassiske løysningar som onehanded + skjold og twohanded, eller nye variantar som dual wield. Til skilnad frå Oblivion krev magi no at du har minst ein ledig hand, så du kan ikkje til dømes både dual-wielde og kaste ildkular - med mindre du først legg vekk eitt av våpna. Du kan og ha forskjellig magi i kvar hand, eller same i i begge to for ekstra effekt. I teorien kan du då òg ha skjold + magi eller skjold + skjold (...), men eg kan ikkje hugse å lese ein preview der nokon prøvde det.

 

e. Endringar i skills: Blade og Blunt er erstatta av One-handed og Two-handed. Mysticism er vekke, og spells derifrå har vorte fordelt mellom andre spell schools. Armorer er no kalla Smithing, og lar deg snekre saman og oppgradere våpen og rustningar (ting treng heller ikkje lenger å verte reparerte med jamne mellomrom). Hand to hand er vekke (trist!), saman med Athletics og Acrobatics, medan Mercantile har vorte bygd inn i Speech. Her er og eit grafisk oversyn over alle skill/perk trees.

 

f. Perks: Ein vidareutvikling av bonusane ein fekk på gitte skill-tersklar i Oblivion (25/50/75/100), inspirert av måten dei implementerte perks i Fallout 3. I Skyrim får man ein perk per level, og kvar skill har eit antall assosierte perks som lar deg spesialisere karakteren meir detaljert enn kva berre valet av skills gjer. Dess betre perken er, jo høgare skill krev den at du har - ein vert altså oppmoda til å spesialisere seg for å få mest ut av ein skill. Her er eit døme frå UESP Wiki: Skyrim - One-Handed

 

g. Nytt menysystem: I staden for dei etter kvart uendelege listane frå Oblivion, er det no eit (i teorien) glattare menysystem for både inventory og skills, der skills vert representerte med ein stjerneformasjon, som òg har funksjon som treet for perks.

 

Bilete av menysystemet:

 

 

 

 

 

 

3. Må ein ha spelt tidlegare spel for å forstå historia i Skyrim?

 

Det korte svaret er nei. Det er mogleg ein kan få meir ut av spelet om ein går inn med ein viss forståing av universet, men det er òg verdt å hugse på at i universet si interne tidsline, har det passert to århundre sidan hendingane i Oblivion - det er ikkje så lett å gjette på nøyaktig kva Bethesda har bestemt seg for at har skjedd i den perioden. Om ein vil ha bakgrunnsstoff, så er Lore-sidene på UESP gode kjelder.

 

Det me veit, er at i løpet av den tida, har imperiet (med hovudsete i Cyrodiil - provinsen Oblivion gjekk føre seg i) hatt interne politiske problem som følge av ein akutt tronarvingskrise. Dette har vidare manifestert seg i splid, konflikt og innskrenking av militærmakten, noko som i tur gjev næring til dei ytre, bråkete provinsane - som til dømes Skyrim, Black Marsh og Morrowind - sitt ønskje om å vere sjølvstendige. Mot dette turbulente, politiske bakteppet, byrjar plutseleg dei mytiske drakane å vakne frå ein lang dvale.

 

Oppi alt dette er du - som vanleg - berre ein fange, som såvidt slipp unna si eiga avretting, før du vert slept laus i Skyrim.

 

 

4. Er det level scaling i Skyrim?

 

Ja, men ikkje som i Oblivion. Level scalingen i Skyrim er meir som den i Morrowind eller Fallout 3 (eller sågar Dragon Age: Origins): NPCs og monster har minimum- og maksimumsnivå i høve til skalering. Det tyder at det no faktisk er mogleg å treffe på ting som du ikkje utan vidare kan drepe (om minimumsnivået deira er høgare enn ditt). I avlukka område som dungeons, er levelen din første gang du går inn den som gjeld - kjem du tilbake seinare, har ikkje ting levla opp - men så vidt eg har forstått, gjeld og minimums- og maksimumsregelen her òg.

 

I tillegg er det, så vidt eg veit, ikkje nokon form for loot scaling på NPCs, og ikkje all loot i dungeons er leveled.

 

 

5. Kva med Oblivion Gates?

 

Ingen! I staden for endelause rekkjer med identiske minidungeons, kan du no drepe drakar og ta sjelen deira for å låse opp "shouts" (eigentleg berre spells med cooldowns, litt som Powers i tidlegare spel). Sidan drakane er "dynamiske" (dukker opp tilfelleleg) og utandørs, med unntak av nokre skripta historiesekvensar, er det gode sjansar for at å slåss mot drakar er meir spanande enn å lukke Oblivion gates. Dette kjem i tillegg til eit utal "klassiske" dungeons som kryptar eller huler fulle av necromancers.

 

Bethesda har òg lova "infinite dragons", noko som dessverre ikkje tyder at skjermen konstant er oversvømd av flaksande drakar - snarare at du aldri kjem til å gå tom for drakar å drepe.

 

 

6. Køyrer spelet framleis GameBryo?

 

Tja. Bethesda sin etter kvart lite populære iterasjon av GameBryo, brukt i Oblivion, Fallout 3 og Fallout New Vegas, er no pensjonert. I erstattaren, Creation Engine, er omtrent alle systema omskrivne, og endringa var såpass total at den fekk eit nytt namn. Ein mogleg analogi er kanskje evolusjonen og arven frå Quake Engine (id) til GoldSrc (Valve).

 

For sluttbrukarar tyder det - får ein tru - at motoren har betre utnytting av etter kvart gammal konsollmaskinvare, og gjer det mogleg for PC-ar som ikkje er top-of-the line å køyre det. I tillegg tyder alle bilete på at Creation Engine er i stand til å skape menneske som ikkje ser ut som om dei er laga av trolldeig, i tillegg til landskap. Den skal òg vere betre til å simulere natur, med dynamisk snøfall og vegetasjon som vert påverka av vind.

 

 

7. Burde eg kjøpe Skyrim på konsoll eller PC?

 

Dette er eit litt betent emne, som det òg finst ein eigen tråd for. Kort kan ein seie at PC-utgåva...

 

- Teikner til å ha litt betre grafikk, om ein har god nok hardware - men Xbox er framleis lead platform, så ikkje vent noko Battlefield 3

- Har mod-støtte ut av boksen

- Kan kjøpast digitalt

 

Medan konsollutgåva...

 

- Skal virke frå dag ein utan noko meir dilldall

- Får tidleg, eksklusiv DLC (Xbox)

- Kan spelast om ein får det for tidleg (ikkje aktuelt i så mange fleire dagar)

 

Til sjuande og sist er det ein preferanse-sak (eventuelt eit spørsmål om kva for plattform ein har tilgjengeleg). Argument om sofa, 50"-skjerm, kontrollmetode, etc. er nokså irrelevante, då det kan ordnast uansett plattform.

 

Hardwarekrav til PC:

Minimum:

XP/Vista/W7

Intel/AMD 2Ghz Dualcore

2GB RAM

6GB ledig plass på HDD

GeForce 7600 GT 512MB/Radeon X1800 512MB

 

Tilrådd:

XP/W7

Intel/AMD Quad-core

4GB RAM

GeForce GTX 260/Radeon HD4870 1GB

 

 

8. Kan eg modde Skyrim?

 

Ja, men det er sannsynlegvis berre mogleg på PC-utgåva (som med Morrowind/Oblivion/FO3/NV). Meir spesifikk er det vanskeleg å vere per no. The Elder Scrolls Construction Set (TESCS) er erstatta av Creation Kit, og Bethesda er framleis uttalte mod-tilhengarar. Creation Kit vil verte tilgjengeleg for folk flest kort tid etter at spelet er ute. SkyrimNexus er allereie oppe.

 

 

9. [PC] Har Skyrim nokon form for DRM?

 

Ja, PC-utgåva bruker Steam som DRM og er Steamworks-integrert. Det vil seie at du må registrere nøkkelen som følg med spelet på ein Steam-konto (din eigen!) før du kan spele. Kvar nøkkel er kun god for ein registrering. Fordelen er at du kan spele utan DVD-en i, og at du kan laste ned spelet kor som helst - ulempa er at du ikkje slepp unna Steam om du vil ha det på PC.

 

 

10. For foreldre: Poden vil ha Skyrim, kva gjer eg?

 

PEGI har endå ikkje gitt Skyrim ein rating, men basert på dei andre ratingane som har vorte utdelt (13 på New Zealand, 15 i UK, 17 i USA), trur eg ein kan rekne med at Skyrim kjem til å få eit 16+-merke.

 

Måten valden i spelet vert framstilt på kjem sannsynlegvis til å ligge nærare Oblivion enn Fallout 3/NV - elementet av "comic gore" som kjenneteikna Fallout (og, saman med framstillingane av dop, sikra det 18+ overalt) er ikkje med her, sjølv om slow-mo finishing moves i kamp er inkluderte.

 

Det er heller ikkje sannsynleg at historia er særleg "vaksen" med høve til innhald og tematikk, men verda er mindre glossy unicorn-fantasy enn kva Oblivion sin er. Eg ville venta ein noko meir brutal, "mørk mellomalder"-aktig verd som reflekterer den kulturelle bølgjedalen universet i spelet opplev.

 

Som forelder er det framleis du som i siste instans avgjer kor vaksen (i hovudet) du trur avkommet ditt er, og kva som er passande for dei å oppleve. Personleg ville eg, for Skyrim, ha plassert ein veileiande aldersgrense på rundt 13-14, der ein kan gi og ta litt i kvar retning. Om du til dømes lot elleve-åringen sjå Ringenes Herre-filmane, så burde dei klare Skyrim òg.

 

Bethesda har ikkje for vane å lage nokon demo av spela sine, så med mindre du har tilgang på ein kopi av spelet er det vanskeleg å få eit inntrykk av korleis det faktisk er. Om du vil ha kontroll er det jo ikkje verre enn å kjøpe spelet til konsoll (noko som og tyder at spelet er lukka i dei fleste retninger), og så ha konsollen under TV-en i stua.

 

 

 

11. [PC] Hjelp, det går ikkje å installere spelet frå DVD!

 

Dette er eit kjend problem, men det er ikkje uløyseleg. Sjå eigen tråd, eller følg framgangsmåten her:

 

Om du ikkje har installert Steam i Programfiler ELLER har XP:

 

1. Pause nedlastingen av Skyrim, høgreklikk og trykk Delete Local content.

2. Høgreklikk på Skyrim i Library-lista, vel Properties og skru av Auto-oppdatering.

4. Lukk Steam (heilt).

5. Åpne "Kjør..." (Windowskey + R)

6. Skriv: "C:\Program Files\Steam\Steam.exe" -install E: - der du byter ut den første pathen med Steam-installasjonen din, og bokstaven etter -install med den til DVD-drevet ditt

7. Trykk enter for å opne Steam igjen

8. Start installasjonen frå disken som vanleg

 

Om du har installert Steam i Programfiler og har W7/Vista:

 

Metoden over er i teorien god, men - som eg oppdaga - du får ikkje køyre direkte frå Programfilar utan spesialtillating, og du får ikkje køyre "Kjør" direkte som administrator. I staden:

 

1. Følg trinn 1-3 over.

2. Finn Steam-installasjonen din, og lag ein snarveg til Steam.exe på skrivebordet

3. Høgreklikk på snarvegen, trykk på fanen "Kompatibilitet" og vel "Kjør som administrator"

4. Framleis på same høgreklikkmeny, vel "Snarvei"-fanen

5. Under "Mål:", legg til (mellomrom) -install E: (eller kva enn bokstaven din for DVD-drevet er) på slutten, trykk "Bruk" og "Ok"

6. Start Steam frå snarvegen - du vil få ein del UAC prompts, og Steam vil gje deg ei åtvaring om at det ikkje er tilrådd å køyre Steam i noko anna enn defaultmodus. For å teste merksemda di, må du her trykke "Avbryt" for at Steam faktisk skal starte

7. Start installasjonen frå disken

 

 

Når den er ferdig med diskinstallasjonen (10-20 minutt, avhengig av kva for ein HDD du har), vil spelet laste ned ein patch på rundt 200 megabyte. Det er til å leve med.

 

Takk til TESNexus-foruma.

 

 

12. [PC] Få mest mogleg ut av systemet ditt - tweaking mm.

 

Før mod-scenen kjem skikkeleg i gang, kan me som har PC-utgåva framleis gjere nokre enkle grep for å få eit betre spel. Ein kan gjere mykje rart med ini-filen til spelet, men det første du burde gjere er å ta ein backup. Filen ligg i Dokumenter/My Games/Skyrim, og heiter "SkyrimPrefs.ini". Du kan opne den i notepad, og Ctrl-F er veldig hendig for å finne riktig tekstline. Av og til må du inn i Skyrim.ini i staden for Skyrimprefs - denne ligg av og til dobbelt, anten same plass som SkyrimPrefs eller i Skyrim-mappa i Steam (/steamapps/common/skyrim).

 

Akkurat no har eg delt dei opp i tre kategoriar: Hendig, dekonsollifisering og eyecandy. Har og planar om ein Low Spec/Minimum Detail-kategori, etter kvart som folk finn ut kva ein kan skru av for å få spelet til å yte betre.

 

Fjerne oppstartslogo

Finn Skyrim-mappa i Steam-installasjonen din (//Steam/Steamapps/Common/Skyrim), og opne Data/Video. Lag ein mappe med kva som helst for navn, og flytt logovideofilen over i den. Om du berre slettar han, kjem sannsynlegvis Steam til å laste han ned på nytt.

 

Skru av mousesmoothing

SkyrimPrefs.ini: Under [Controls], finn "bMouseAcceleration=1" og endre til 0.

 

 

Fjerne mouse lag

SkyrimPrefs.ini: Under [Display] legg til "iPresentInterval=0".

 

Velje FoV sjølv

SkyrimPrefs.ini, moglegvis òg Skyrim.ini: Under [General], legg til "fdefaultfov=*" der * er talet du vil ha. For 16:9 og 16:10-oppløysingar er ein stad i mellom 80 og 95 greit, avhengig av kor stor skjerm du har - rekn med å prøve deg litt fram, om du ikkje har stilt inn FoV manuelt før.

 

Du kan og gjere dette i console (trykk på |-tasten in-game), med å berre skrive fov * (der * er talet). Om du gjer det og vil ha achievements, ikkje gjer noko anna enn å lagre og avslutte før du restartar. I teorien skal du no ha både custom FoV og achievements (meir console-dilling skrur av achievements).

 

Skarpare skuggar

SkyrimPrefs.ini: iBlurDeferredShadowMask=3 (endre til 2 eller 1) - skarpare skuggar, nesten ikkje noko FPS-drop

 

Self-shadowing på tre og landskap

SkyrimPrefs.ini: bTreesReceiveShadows=0 og bDrawLandShadows=0 (endre til 1) - self-shadowing på landskap og tre

 

Betre vatn

SkyrimPrefs.ini: iWaterReflectHeight=512 og iWaterReflectWidth=512 (endre båe til 1024)

 

Legg til:

bUseWaterReflectionBlur=1

bReflectExplosions=1

iWaterBlurAmount=4

bAutoWaterSilhouetteReflections=0

bForceHighDetailReflections=1

 

Takk til SkyrimNexus, RockPaperShotgun og Reddit

 

 

 

13. [PC] Mogleg fix for CTD og statisk i dialog

 

Dette er kanskje den mest obskure fiksen i verda, men den har virka for mange. Det første du burde gjere, er å skifte til onboard/software-lyd om du har eit separat lydkort (type X-Fi).

 

Deretter:

- Start -> Kontrollpanel -> Lyd.

- Finn fanen kalla Avspilling, og høgreklikk på Høytalere (eller det du til dagen bruker - typisk det som er haka av), og klikk Egenskaper. Gå til "Avansert", og velg "24 bits, 44100Hz (studiokvalitet).

- Bruk/Ok, og prøv å køyre spelet igjen.

 

 

 

14. [PC] Interessante og tilrådde mods

 

For denne seksjonen er interessante (ofte tekniske av natur) mods markerte med gult, medan tilrådde (etter min smak) står i grønt.

 

Stort sett fortel vedkommande som har snekra saman modden korleis du skal installere den, men for til dømes teksturar er det stort sett tale om å paste den aktuelle mappa (textures/x/..) inn i */Steam/steamapps/common/skyrim/data/, og om det er ein .esp-fil, rett i /data-mappa, for å så aktivere den i Launcheren under Data Files.

 

 

Large Address Aware patch

Meir ein tutorial enn ein faktisk mod. Bethesda trur ikkje at nokon har meir enn 2GB RAM, så du må ha ein modifisert .exe for at spelet skal ta i bruk alle dei 6/8/12 GB-ane du har i maskinen. NB: Dette er eit teknisk must om du vil rote med uGridsToLoad-variabelen under ini-tweaking.

 

 

Simple Borderless Window

"Falsk" fullscreen - dette er mest nyttig om du har problem med alt-tabbing.

 

 

Skyrim FPS Limiter

Denne er mest nyttig om du har skrudd av Vsync og fysikkmotoren dermed har gått berserk (søk på Youtube).

 

No Spider Mod

Erstattar alt av edderkoppar med bjørnar. Berre nyttig om du er araknofob.

 

 

Detailed Faces og No More Blocky Faces

Basically det titlane seier. Av-komprimerte teksturar pluss litt ekstra detaljar gjev betre ansikt.

 

 

Enhanced Night Sky

Same som i tidlegare spel, nattehimmelen får mykje høgare oppløysing, men konstellasjonane er dei same som før.

 

 

Vurt’s Skyrim Flora Overhaul

Nye bartre-teksturar med subtil fargeendring, og ekstra bump-maps for barken på stamma. WIP.

 

 

Enhanced Blood Textures

Ein større, meir detaljert og meir væskeaktig blodtekstur.

 

 

 

15. [PC] Vanlege interface-spørsmål

 

Interfacet er klønete, iallefall fram til ein mod kjem. Tidvis er det òg litt enigmatisk.

 

a. Korleis kan eg binde hotkeys for våpen og spells?

Meir innfløkt enn det burde vere, men det er mogleg. Først må du inn i inventory, og så finne det du vil ha under Magic/Shouts eller Weapons/Apparell (til dømes eit våpen eller ein spell, eller eit shout), hole musen over det og trykke F. Dette er steg ein. Så må du ut av menyen og trykke Q for å opne Favourites - alt du har "bookmarked" med F vil vere i dette vinduet. Her kan du halde musen over det du vil binde, og trykke 1-9.

 

b. Kvifor er høgre museknapp venstre hand og omvendt - og kan eg endre det?

Det har eg ikkje noka god forklaring på, men det er sannsynligvis eit relikt frå kontrolloppsettet i Oblivion. Det er uansett lett å endre: (Esc) Meny - Options - Controls - Finn dei aktuelle bindingane (Left Hand / Right Hand) og bind dei til "riktig" museknapp.

 

c. Korleis låser eg opp nye Dragon Shouts?

Det er ingen sjel-indikator som fortel nøyaktig kor mange sjelar du til ein kvar tid har, trur eg - men: Om du har ein sjel og eit shout å låse opp, gå inn i (Tab) Meny -> Magic -> Shouts, highlight shoutet du vil låse opp og trykk R. Det står nede på skjermen, men det tok meg litt tid å finne ut.

 

 

 

Addendum

 

1. Har fått spelet i posten! Kan eg spele RIGHT NOW?

På konsoll, ja. På PC har Steam ein datosjekk som det er vanskeleg å kome utanom.

 

Om modding: Produksjonen av mods er ikkje skikkeleg i gang endå, så watch this space.

Endret 14. november 2011 av Zealuu

[XitraZz]

Fint noen tok jeg tid til dette så vi slipper maset i hovedtråden, takk Zealuu

[TMB]

Nynorsk >.<

[JR Ewing]

Bra jobba!

[Lakus]

Nynorsk

Fixed

Endret 8. november 2011 av Lakus waits for no-one

[Deluze]

Strålende jobb, Zealuu! En knakende god FAQ som jeg håper kan inspirere andre.

 

-Deluze

[Vrengtpolvott]

Flott jobbet Zealuu! Godt at noen tok initiativ til å lage en slik tråd, og ble imponert over hvor omfattende den faktisk var

[Dr. Mobius]

Utmerket innsats, Zealuu!

[Thoto79]

Fin FAQ

 

Men lurte på hvilke del av Tamriel de andre spillene har utspilt seg. Elder Scrolls: Morrowind og Skyrim sier jo seg selv, men de andre 3 spillene?

[Vrengtpolvott]

Oblivion utspiller seg i Cyrodiil, men de andre er jeg ikke sikker på.

[Deluze]

TES II: Daggerfall utspiller seg innenfor High Rock og Hammerfell.

 

Arena er jeg ikke sikker på, men navnet antyder jo Imperial City.

 

-Deluze

[Vrengtpolvott]

TES II: Daggerfall utspiller seg innenfor High Rock og Hammerfell.

 

Arena er jeg ikke sikker på, men navnet antyder jo Imperial City.

 

-Deluze

Mener å ha lest at navnet på Arena er litt misvisende, da det ikke er en eneste arena i spillet. Husker ikke hvor jeg leste det, men mulig det var på Elder Scrolls Wiki.

[Deluze]

En rask tur innom TES wiki ga resultater.

 

Arena utspiller seg litt overalt. Wiki har artikler om plasser i Arena, og så vidt jeg ser er alle provinsene representert.

 

Plasser i Arena

 

-Deluze

[Licht]

Hierarkiet er sånn: Mundus/Arena (univers/Oblivion) > Nirn (planet) > Tamriel (kontinent) > Provins.

 

Det første spelet foregår over heile Tamriel, medan Daggerfall er - som nemnd over - berre i High Rock og Hammerfell.

 

Kvifor Mundus vert kalla arena:

 

"Mundus is the center of the spiritual world, blending the darkness of Oblivion with the searing light of Aetherius. It is sometime called the Arena here, for forces are eternally at struggle. "

 

- Pocket Guide to the Empire, 3rd ed.

 

Tittelen på det første spelet er i referanse til denne metafysiske "arenaen", ikkje ein gladiatorisk arena eller liknande.

Endret 9. november 2011 av Zealuu

[Deluze]

Så Tamriel er kun et kontinent? Wow!

 

Takk for interessant informasjon, Zealuu!

 

Da skal jeg lene meg tilbake og fantasere om oppdagelsesreiser til de øvrige plassene på Nirn

 

-Deluze

[Vrengtpolvott]

At Tamriel kun var et kontinent visste jeg faktisk ikke. Det åpner jo for en fortsettelse på serien på andre kontinenter, med andre raser til og med! Noen som vet om andre kontinent er nevnt noen plass i form av lore i spillene?

[Licht]

Tja, Akavir er eit anna kjend kontinent (mot aust) som framleis eksisterer, sjølv om me ikkje veit så mykje om det - anna enn at dei er glade i katanaer (og då sikkert har ein austlig-inspirert kultur). Redguard-folka kom opprinneleg frå Yokuda i sør, men eg trur det var sånn at dei forlot den staden fordi det vart øydelagd, eller sank i havet, eller noko. Nords kom opprinneleg frå Atmora i nord. Veit ikkje heilt korleis det står til der.

 

Tamriel er framleis det største av kontinenta, då.

Endret 9. november 2011 av Zealuu

[Vrengtpolvott]

Må si du har god peiling på The Elder Scrolls Zealuu, blir rent imponert her jeg!

[Thoto79]

@Zealuu: Takk for gode svar.

 

Ett lite spørsmål til, er det implementert døgnsyklus (natt/dag) som i for eks Assassins Creed?

Og vil det være tilfeldige værfenomener som at det kan være sol på ett bestemt sted og neste gang du drar tilbake til samme sted kan det være snø/regn?

[Licht]

Dynamisk vær og dag/natt-syklus har TES-spela hatt sidan iallefall Morrowind, så det er all grunn til å tru at det er i Skyrim òg.