The Avatar

No når det har blitt offentleg kjent kor alvorleg sjuk MM er, så er det enda mindre sannsynleg at monarkiet blir endra/fjerna. For å kunne gjere dette så må grunnlova endrast sidan grunnlova seier at Norge er eit kongerike. Eit slikt forslag må fremmast i starten av ein ny stortingsperiode, som betyr at endringsforslaget fyrst kan leggast fram hausten 2029. Deretter må det være ein storingsvalg før saka kan gå til avstemming, som betyr at vedtaket om grunnlovsendring kan vedtas tidlegast hausten 2033. Om lova trår i kraft hausten 2033 kjem igjen ann på om kongen signerer på lova eller om kongen bruker sin vetorett. Bruker kongen sin vetorett så må lova gjennom ei ny avstemning i neste stortingsperiode. Så om (sittande) konge samarbeider så så kan monarkiet oppløysast om 7 år, om kongen ikkje er einig så tek det 11 år før grunnlova kan endrast. Forutsatt sjølvsagt at det fortsatt er 2/3 fleirtal i stortinget gjennom alle avstemningane. Når det gjeld det meir praktiske med kor synleg dronninga blir, så er det strengt tatt opp til kongehuset sjølv å bestemme. Formelt sett så har ikkje dronninga ein formell rolle i kongehuset med mindre dronninga også er regent og ikkje berre kona til kongen. Dersom kronprisen hadde blitt konge no i nær framtidig slik at også MM får dronningtittelen så vil MM uansett ikkje ha ein framtredande dronningrolle av helsemessige årsaker. Etter kvart som folkeopinionen endrer seg så vil det også være naturleg at dronningen tilpasser sin offentlege rolle i forhold til kva som passer seg best.

Eg er veldig lite bekymra for dette, for sjølv om det ikkje er alle som er like tolerante akkurat no, så går retninga veldig fort mot normalisering at om type 10 år så er det på ingen måte nokon skandale om det kjem for ein dag at du har betalt ein OnlyFans modell, eller at du sjølv har solgt bilder på OnlyFans. Ein viktig grunn til at OnlyFans har blitt så stort som det har blitt er at det har muliggjort sexarbeid utan risiko sidan alt skjer digitalt, og ikkje minst at det har satt sexarbeidarane i stand til å ta kontroll over eiga verksemd utan bakmenn/hallik. Det gjer også at at kjøp av porno gjennom OnlyFans er langt meir etisk enn betaling for tradisjonell porno der ein eigentleg ikkje veit noko som helst om hvar pengane går, om modellen har fått betalt, om modellen har blitt utsatt for press, osv. Ein kan sjølvsagt ikkje vite 100% at modellen på OnlyFans ikkje har blitt tvunget av bakmenn til å lage konto, men det du kan vite er at OnlyFans har ordning for å identifisere at modellen har samtykka, og ikkje minst at pengane går til ein konto som står i navnet til modellen. Det gjer det mykje vanskelegare for bakmenn å operere som mellommenn som kan stikke av med pengane. Mange som er på OnlyFans har dette som ekstrainntekt og er hovudsakleg kjent som influensere, modellar eller skodespelarar. Det at det er ein del c-kjendisar på OnlyFans er også med på å normalisere dette. Det er ikkje utan grunn at VG har valgt å fokusere på norske influensere når dei omtalar OnlyFans, dei fleste av disse influenserane poster nøyaktig samme innhold som dei legg ut på Instagram. Det gjer også at OnlyFans blir meir og meir stuereint, for tenesta har utvikla seg til å bli mindre porno-nettstad og blitt meir eit sosialt medium med betalingsmur. OnlyFans har starta å likne litt meir på Patreon. Det er nokre få som bruker tenesta til å selge regelrett porno, men dei aller aller fleste på Patreon har ein profil der fordi dei er innhaldsskaparar og treng ein plattform for å motta økonomisk støtte frå sine fans. Veldig mange som lager Podcast bruker Patreon, fordi dei då kan motta direktebetaling frå lyttarane utan å gjemme podcasten bak ei abonnementsteneste. Min spådom er at å få avslørt at du har vært på OnlyFans, vil treffe omtrent like hard som at det blir avslørt at du hadde TikTok-konto. Og heilt ærleg så er kanskje meir skamfullt når du som 50 åring får lekket TikTok dansane du la ut som 17 åring, enn bikinibildet du la ut på både OnlyFans og Instagram.

Skjønner at det et kreativ tørke, og at kjente merkenavn kan gi litt drahjelp på salgstala. Men det må vel være openbart også for Amazon at dersom dei sett James Bond namnet på ein film som er noko heilt anna enn det kundane forventer, så øydelegg ikkje det berre ryktet til merkenavnet men også merkevaren som Amazon representerer. Eg er i utgangspunktet veldig forsiktig å engasjere meg i Amazon produlsjoner. Fallout sesong 1 var bra, sesong 2 var heilt OK, så eg var ikkje hastverk med å benke meg ned for sesong 3.

Sexkjøpslova er såpass generell at OnlyFans heilt klart kan rammast av lova om det er ønske om å følge opp. Det er litt slingringsmonn ledd c) i kva grad kunden har betalt for at modellen utfører seksuelle handlingar på seg sjølv, eller om ein akkurat kjem unna lova ved at kunden ikkje har spesifikt betalt for utføring av bestemte handlingar og derfor berre har kjøpt porno. Men interaktiviteten i transaksjonen talar for at dette er digitale sexkjøp. Bestemmelsane om seksuell omgang er vanlegbis definert som penetrering, men også onanering vil vanlegvis falle innunder seksuell omgang. Det medfører at dersom modellen gjer noko anna enn å berre posere på bilde/video som du har kjøpt, så er det mulig å bli tiltalt for sexkjøp om påtalemyndigheita vil prøve saka. Lova sett ingen krav om fysisk nærheit eller berøring. Og det er grunnen til at eg ikkje liker ordlyden i forbodet mot sexkjøp. Det er ei moralsk lov som er så upresis at med berre ei lita endring i politiets vurderingar så er alle som er seksuelt aktive i fare for å bli tiltalt. Etter lovens bokstav vil det være prostitusjon om du spanderer ein drink i eit forsøk på å få sex. Sjølv om det er kona di som får ein liten blomst som vederlag, så er det teknisk sett sex mot vederlag.

Eg er ikkje heilt overbevist om at Amazon ønsker å tjene penger. For viljen er stor for å støte frå seg sjåarar i håp om å finne fleire nye. Det er openbart idioti å kjøpe rettighetene til Stargate, Ringenes Herre, og no James Bond om dei ønsker å fortelle heilt andre historier. Om Amazon vil ha ein sci-fi serie om soldatar som utforsker galaksen ved hjelp av portalar, så er det jo berre å lage det utan å betale opphavspersonen til Stargate ei einaste krone. Same med James Bond, om Amazon vil lage TV-serie om ein spion som ikkje har noko til felles med agent 007 så har dei veldig frie tøylar til å gjere det. For kva faen er vitsen med å betale for at hovedpersonen skal kunne heite Bond når denne versjonen har ingenting til felles med originalen? Setter du deg ned med eit James Bond spel så forventer du biljakter, eksplosjonar, gadgets og pene damer.

Problemet med pride og regnbueflagget er at det ikkje er nokon som har eigarskap og definisjonsmakt på kva flagget representerer. Det er dette som gjer at det til stadigheit dukker opp nye versjonar av flagget, med litt andre fargar, ei ekstra stripe, osv. Det fører til at folk har vidt forskjellige assosiasjonar til kva regnbueflagget symboliserer. Mange er regelrett rette for at dersom dei flaggar med regnbueflagget så støttar dei også noko ukjent. For sjølv om dei fleste bruker flagget for å vise respekt og toleransr, så har flagget også blitt brukt av ekshibisjonistar som meiner at folk må være tolerange ovanfor del som liker å vifte med tissen i offentlegheita. Det er heller ingen som kan hevde at flagget ikkje også representerer blottarar, då ingen har eigarskap til flagget. For dei aller fleste så er pride ein positiv ting, men det er også nokre ytterpunkt som forsurer folkefesten. Som dei få som bruker pride som utgangspunkt for å hevde at pedofili må legaliserast, til dei som er heilt på andre sida og hevder at pride er ei feiring av perversitet. Det er nesten som at eg ville foreslått at vi startar litt på nytt, og samler folket rundt eit nytt symbol som er godt definert.

Det som er mest problematisk er eigentleg det at det å ha ein plattform for å uttale seg er veldig viktig dersom ein ønsker politisk innflytelse. Sidan dette er eit eksempel på ein som driver avis for å irritere høgresida, så passer det godt å ta eksempelet frå det engelskspråklege nyheitsbildet med Rupert Murdoch som nok må seiast å ha ein stor del av æren for høgrebølga som både har vært og fortsatt er i Storbritania og USA. The Sun og Fox news har utvilsomt være viktige kanalar for å påvirke folkeopinionen. Isolert sett så er ikkje dette ei stor sak, men det er litt urovekkande at dersom ein har nok pengar å bruke på nyheitsformidling så har ein også stor makt til å påvirke politikken. Det medfører at medias rolle som den fjerde statsmakt har blitt litt problematisk ved at det ikkje lenger er ein sjølvfølge at nyheitsjournalistar er nøytrale sannheitssøkarar som går i dyden på alle statlege aktivitetar uavhengig av kven som har stortingsmakta. Så sjølv om at Filter nyheiter ikkje har lønt seg økonomisk sett, så er det ikkje utenkeleg at avisa lønner seg politisk sett. Han hadde heilt sikkert ikkje fått spredt sitt politiske budskap like effektivt om han hadde tatt dei pengane han har tapt på å drive avis og i staden spytta det inn i politiske reklamekampanjer.

Nei sjølvsagt ikkje, men politiet skal ta kontroll på situasjonen ved å sikre alle innvolverte, slik at ein gjerningsperson ikkje kan fortsette angrepet, og ikkje minst ved at offeret ikkje nytter sjansen til å hevne seg på gjerningspersonen som ligg der hjelpelaus i handjern. Politiet kan ikkje berre stole på at innvolverte snakkar sant, noko som denne situasjonen er eit tydeleg eksempel på. Det er likevel sannsynleg at det kunne vært slik som den eine parten påstod. Det er derfor heilt innafor at politiet startar med å skille dei to som slåss, og deretter sikre dei. Aller helst ved at 3-4 konstablar passar på dei, men ofte må det gjerast med handjern på grunn av for få konstablar på staden.

Dette er ein stygg sak, men eg er usikker på kor godt eihna denne saka er som døme på kvifor det er nødvendig å få på plass endringar. Det er openbart mykje som skulle vært gjort på ein anna måte, men på eit grunnleggande plan så er det også mykje som er korrekt politiarbeid. Politiet skal ta kontroll på situasjonen og gjere det trygt på åstedet for både politiet, helsepersonell, og andre sivile. Ofte medfører det å sette handjern på alle fram til ein har fått avklart kven som er kven. Den måten å sikre folk fører til at framgangsmåten blir fyrst handjern, deretter helseundersøking. Feila som vart begått var mangelfull helseundersøking etter at handjerna vart satt på, og at dei gjorde den generaltabba å ikkje også sikre han som var gjerningsmannen med handjern, med påfølgande helseundersøking og visitasjon. At offeret hadde stor jakke som gjorde det vanskeleg å sjå at han var knivstukket er ein del av forklaringa, men ikkje ei unskulding for mangelfull helsesjekk. Det er også ei forklaring at "alle" klager over å bli påsatt handjern, for det er ikkje behageleg verken fysisk eller emosjonelt å bli satt i handjern. Men det er ingen unskulding for å ikkje sjekke at den som er satt i handjern er uskadd. Eg klarer likevel ikkje å sjå kva politiet skal endre i sin arbeidsmetode. Ein lærdom er sjølvsagt å ikkje tru blindt på det den eine parten påstår har skjedd, men heilt grunnlegande så er konklusjonen at begge skulle vært satt i handjern, og deretter skulle begge vært undersøkt på jakt etter skader, våpen, og bevis for kva som kan ha skjedd.

Den enklaste løysinga er at du som leigetakar reknar det ulovlege depositumet som forskuttert husleige, og at du dei siste månedane av leigeforholdet sluttar å betale inn husleige, då utleigar kan hente det manglande husleiga frå depositumskontoen. Om du gjer det på den måten så er det utleigar som må ta aktivt grep for å gå til sak mot leigetakaren. Ein slik framgangsmåte er ikkje heilt risikofri, for dersom det er avtalt at det skal betalast depositum for å dekke skader og manglar etter utflytting så vil det utgjer eit avtalebrot om leigetakaren unnlater å betale husleige og tvinger utleigar til å tære av depositumet, som igjen medfører at utleigaren ikkje har den sikkerheita for dekking av skader og manglar ved utflytting. Reint praktisk er det likevel lite utleigaren kan gjere anna enn å starte ein utkastingssak som normalt sett tek lengre tid enn det som er igjen av oppseiingstida.

Eg synes det er bra at saka har blitt klaga inn til datatilsynet. Det einaste eg synes er litt dumt er at det gir Schibsted ei litt for enkel rettrettmoglegheit. Aller helst så hadde eg sett at Schibsted fekk merke det på lommeboka at mange av lesarane slutta å bruke Schibsted sine sider, slik at det også er eit tydeleg signal til andre selskap som vurderer å gjere tilsvarande stunt. No veit eg ikkje om det er mange som har valgt å faktisk boikotte Schibsted med VG o.l. men om det er det så blir det no veldig lett for Schibsted å reversere beslutninga ved å vise til at saka er innklaga og at dei endrar praksis slik at Datatilsynet ikkje treng å ta stilling til spørsmålet. Mitt håp er at Datatilsynet uansett tek tak i saka, og kjem med ein sanksjon om dette er uloveg uavhengig av om Schibsted eventuelt går tilbake på kravet om betaling for å avslå sporing.

Av dagane som står på avstemmningslista så er det berre jonsok/sankthans og valgdagen som framstår som relevante fridagar. Fyrstnemnte fordi det er er ein fysisk relevant merkedag ved dagen er på sitt lengste og natta er på sitt kortaste, og at det er ei fin anledning å feire. Sistnemnte fordi valgdagen er både viktig for oss som demokrati, og fordi ved å gjere dagen til fridag så kan ein i teorien sikre at alle som vil stemme kan møte opp på valgdagen for å stemme. Ulempane med denne dagen er at det er stortingsvalg berre kvart fjerde år, og sjølv om ein også gjer valgdagen for kommune/fylkeskommune til fridag så er det fortsatt i berre anna kvart år ein får ein fridag om ein ikkje gjer det til ein fast fridag slik at dagen også blir ein markeringsdag for demokratiet sjølv om det ikkje foregår valg det året. Når eg ser på kalenderen så er det ikkje mykje viktige ting som har skjedd på på haustparten av året, og som det er verdt å gjere om til helligdagar. Det er sjølvsagt ein del ekte helligdagar som vi kan ta tilbake, på primstaven var det fleire religiøse merkedagar som var markert, slik som Eidismesse 1 sept, haustjavndøgnet 21 september, Simonsmesse 28 oktober, osv. Men samtidig vil det være litt rart å innta disse dagane som helligdagar igjen utan å også ta med alle merkedagane som var på sommarhalvåret. Mitt forslag for å få litt fridagar fordelt utover heile året hadde vært å oppheve kong Christian VII sin forordring frå 1771 som halverte talet på helligdagar frå 22 til berre 11. Det hadde vært ein forholdsvis enkel endring sidan dei gamle helligdagane har hatt ei historisk forankring og dermed ikkje er noko nytt. Ein del av helligdagane som vart fjerna var helligdagar på våren, slik som tredje påskedag og tredje pinsedag, men det er nokre helligdagar som var på vinterstid slik som Mikkelsmesse 29 september, Allehelgensdag 1 november, tredje juledag, osv. Den aller enklaste løysinga for å få nokre langhelger i tidsrommet juni til desember er nok å innføre dette som frittståande feriedagar som folk styrer sjølv. Personleg så synes eg ikkje det er ei veldig god løysing, for litt av gleden med dei faste helligdagane som fridagar er at "alle" har fri samtidig. Det at dei fleste har fri dei same dagane gir ein heilt anna fleksibilitet til å bruke fridagane til noko fornuftig, enten det er å reise på ferie eller å delta på sosiale feiringar. Det er ikkje heilt det same å ta ut to feriedagar i f.eks. september dersom kona må jobbe og ungane må på skulen. Det kan ha sin sjarm å ha heilt fri utan resten av familien, men dei fleste ønsker nok familieferie. Det som er mitt foretrukne alternativ, er alikevel å få innført vinter og hausteferie som to ekstra ferieveker. Då får vi både meir fri, vi får alle fri samtidig, fritida harmoniserer med skuleferiane, og vi får fritid som ikkje er religiøst begrunna. Om nødvendig så kan det være eit alternativ å miste dei lause fridagane i mars-mai for å få haust og vinterferie, men aller helst vil eg sjølvsagt ha meir fritid og ferie. Dei einaste helligdagane som er viktige også for ikkje-kristne er vel akkurat julekvelden og juletida ettersom julefeiringa for dei aller fleste liknar meir på meir hedensk jolefeiring med fokus på mat, kos og familie, enn at det er ei høgtid som handler om å gå i kyrkja.

Joda, det er heilt klart eit argument med at avisene trenger inntekter, og ein rein boikott eller blokkering av annonser fører til at sider som VG må redusere kvaliteten eller kanskje også må legge ned. Det er likevel ei grense for kor mykje reklame eg er villig til å utsette meg for. Og des større reklamebelastning eg utsettes for, jo høgare er mine kvalitetskrav for at det skal være verdt det. Eg forstår også at Schibsted får betre betalt ved å berre vise reklame som har meg som målgruppe basert på mine personopplysningar, men det finnes alltid ei mellomløysing, som er å vise generell reklame som er lite innvaderande. Det gir mindre reklameinntekter per leser sidan reklama ikkje er målretta, men tradisjonelt sett så blir dette kompensert gjennom høgt lesartal.

Dersom ho hadde jobba som sexarbeider så hadde eg forventa å finne klare indikasjonar på det, slik som kondomar, glidemiddel, angrepiller, heimetest for kjønnssjukdommar, osv. Du veit slike ting som sexarbeidarar faktisk har bruk for. At ein kalkulator skal være bevis på prostitusjon er berre latterleg, sjølv om eg tek utgangspunkt i at 16 åringen var sexarbeider så kan eg aldri sjå for meg at ein velger å lage ei prisliste for sine seksuelle tenester som er så komplisert at det trengs kalkulator for rekne ut sluttsummen. Og dersom vi skal anta at ein 16 åring ikkje treng kalkulator til andre formål enn ulovlegheiter, så er det vel 100x meir sannsynleg at kalkulatoren er nyttig for kjøp og salg av narkotika der det ofte er prissetting per gram og det fort kan bli mange desimaler å ta omsyn til. At 16 åringen har "eksklusiv" sminke som er dyrare enn kva ein 16 åring normalt har råd til, så er det igjen meir sannsynleg at 16 åringen er butikknasker enn at ho prostituerer seg for å kunne kjøpe neglelakk (ein eksklusiv neglelakk som ho i følge legen berre treng fordi ho må pynte seg for horekundane?). Dersom det skulle vise seg at 16 åringen nasker sminke, så gir det også meir meining at ho har stjelt/lånt mobilladaren. Det gir i alle fall meir meining enn at ho har valgt å merke sin eigen mobillader med eit dekk-navn som ho bruker når ho selg sex. Ein prostituert som er bekymra for at kundane skal finne det ekte namnet løyser den problematikken enklare med å ikkje merke eigedelane sine med eit navn i det heile tatt. Eg mistenker forøvrig også sterkt at denne legen har god nok kunnskap om sminke til å kunne skille rådyr og eksklusiv sminke frå billig Temu-sminke. Så påstanden om at sminken er eksklusiv og ikkje kjem frå ein billig butikk som Normal, må eg nesten ta med ei stor klype salt.

Kjenner ikkje detaljane på ventilen du lenker til, men du bør nok montere soppventil eller tilsvarande ventil som er heilt beskytta mot regn. Opent gitter er å be om problem når frost er ei problemstilling du må ta høgde for. Realistisk sett så er det ikkje så mange andre stadar enn takmontering som er aktuelt. Husk at du treng tilluft for å få god ventilasjon. Ein takventil fungerer fint til å lufte ut varm og fuktig luft, men utan påfyll av kjølig kald luft så vil du få avgrensa effekt sidan du får ein vakum-liknande effekt. Tillufta bør helst kome inn så lågt som praktisk mogleg sidan den varme lufta stiger naturleg mot taket. Kor tett eller utett din din varebil er vil kunne variere alt etter kva slags varebil du har. Eg ville nok vurdert å montere vindusvisir på sidedørene slik at du kan ha vinduet litt på gløtt utan at det regner inn. Så kan du heller sette inn ventil eller lage eit hol i skilleveggen mellopm kabin og varerom. Fordelen med denne løysinga er at du ikkje risikerer å lage eit lekkasjepunkt når du tek hol i taket for å montere ventilen, og fordi du då kan rulle vindauga heilt opp og holde bilen tett når du ikkje treng lufting.