Jump to content

KayAU

Medlemmer
  • Content Count

    3361
  • Joined

  • Last visited

Community Reputation

427 :)

About KayAU

  • Birthday 02/12/1980

Profile Information

  • Kjønn
    Mann
  1. Eg ser verkeleg ikkje poenget, når den frå 1993 var sopass perfekt. Dette var ei bra tid for oss som likte filmar basert på spel. Super Mario Bros i 1993 og Street Fighter i 1994.
  2. Spelet blir truleg heilt greit, men eg har ikkje noko interesse av sjangeren. Då hjelp det ikkje so mykje at ein sett det i Fallout-universet, for det blir ein veldig avgrensa måte å oppleve det på. I dei gamle Fallout-spela reiste du rundt og utforska, snakka med karakterar som budde i spelverda, og gjorde oppgåver knytt til ei eller fleire interessante historier. I Fallout 76 vil du sikkert kunne reise rundt og sjå på ting, men når du ikkje vil møte karakterar som tilhøyrer spelverda, har eg vanskeleg for forstå korleis dette skal bli noko meir enn ei enkel kulisse for endå eit fleirspelar overlevelsesspel på nett.
  3. Det kan godt hende at dette blir eit bra spel i seg sjølv, men eg er skuffa over at dei har gått so langt vekk frå RPG-røtene. Det å kunne reise rundt og utforske verda, snakke med karakterane som budde i ho, og følgje ei interessant historie var det som gjorde Fallout interessant for meg.
  4. Ok, so denne tråden er steingammal, men eg vekker han opp at for å meddele at Hero-U: Rogue to Redemption no er ute! Spelet ser ut til å innfri forventningane til oss som støtta det, men har dessverre gått under radaren dei fleste stader. For dei som er interesserte i eit unikt og uvanleg spel i liknande stil som QFG, kan dette vere verdt å sjekke ut. Spelet kan kanskje skildrast som ei blanding av eventyr, rollespel, og life-sim. Det er laga på eit lite budsjett, men det er tydleg at utviklarane har lagt hjarte og sjel i det. Det er tilgjengeleg på GOG og Steam: Hero-U på GOG Hero-U på Steam Det har jamnt over fått gode tilbakemeldingar. Snittet av 85 omtalar på GOG er 4,5 av 5 stjerner. Av 105 som har vurdert det på Steam er 98 positive. :-)
  5. 220 000 kroner er no utruleg billig for 117 romskip. Men sidan vi her ikkje snakkar om ekte romskip, men nedlastbart innhald til eit spel (som ikkje ser ut til å vere i nærleiken av å bli gitt ut enno), er dette fullstendig vanvidd. Eg lurer på kor mykje av tanken bak dette som er å selge pakken, og kor mykje som er å skape overskrifter for å halde spelet i søkelyset? Det kan sjå ut som om mange har mista perspektivet når det gjeld kva verdien på spel og innhald til spel bør vere. Dette ser ein fleire stader, t.d. ved at folk betalar hundre- eller tusenvis av kroner i eit heilt enkelt mobilspel. Der er det gjerne ikkje ein gong snakk om å betale for innhald, men å betale for å sleppe å vente, eller for å "jukse" seg ut av ein situasjon. For meg er det absurd å betale for slike ting. Når det gjeld nedlastbart innhald som dette, er det i utgangspunktet, i alle fall dersom vi hadde snakka om eit spel som eksisterte, greit å ta betaling for innhald. Men kva er det som skal avgjere verdien på innhaldet? Styrka til gjenstanden det er snakk om? Arbeidet som har gått med på å lage det? Uansett meiner eg ting har gått over styr når ein tek tusenvis av kroner for slike gjenstandar. Kanskje eg berre er gammaldags, sidan eg vaks opp i ei tid der ein kjøpte spel med alt innhald inkludert. Det kunne komme ekspansjonspakkar, men desse innehaldt då ei vesentleg mengde innhald, og kosta generelt mindre enn spelet sjølv. Å betale fleire gongar den normale prisen av eit fullpris-spel for ein enkelt virtuell gjenstand gir ikkje meining for meg.
  6. John Bain var slik eg oppfatta han, eit oppriktig godt menneske, og ein kjempe innan sitt felt. Han var heilt i front både når det gjaldt forbrukarrettar og forretningspraksis i spelbransjen, og når det gjaldt openheit og etikk for Youtuberar som han sjølv. Arbeidet hans var prega av ein høg grad av integritet og at han stilte minst like høge krav til kvaliteten på det han sjølv laga, som han stilte til spelindustrien. Han fortener òg å hugsast for korleis han hjalp til med å spre bevisstheit rundt kreft. Eg trur der var mange av oss som over tid hadde oversett og skubba til side symptom som vi absolutt burde ha diskutert med legen, men som fekk det undersøkt etter å ha blitt formana til det av Totalbiscuit. Det er tragisk at han sjølv skulle døy so ung av sjukdommen, men han redda truleg fleire liv ved å bidra til at andre sin kreftsjukdom vart oppdaga tidleg. Kvil i fred, TB.
  7. Sanlikningane med leilegheiter på 40 og 350 kvm, eller TVar på 1 eller 60 tommer, held ikkje mål. Der er ein vesensskilnad på kva du kan gjere med so forskjellige leilegheiter og TVar. Det samme kan ikkje seiast om mobiltelefonane. Det kjem sjølvsagt an på personen og bruken, men skilnaden mellom kva dei gir deg er sannsynlegvis ganske liten.
  8. Er dette den samme TV-en? https://prisguiden.no/produkt/lg-oled55c7v-293761 I so fall trur eg kanskje LG sin TV er eit litt betre kjøp.
  9. Eg foretrekk stort sett å handle på GOG, som har lagt seg på ei kundevenleg linje.
  10. Eg meiner som fleire at Lotteritilsynet bommar litt her. Eksempelet med å selge "premieposar" på torget er nært nok det EA driv med. Men uansett om ein vil plassere lootbokser under kategorien "lotteri" eller ikkje, endrar det ikkje korleis dette i praksis fungerar: ein bruker dei samme psykologiske mekanismene som i tradisjonell gambling, i eit produkt som mellom anna vil bli brukt av mange barn, for å friste dei til å kontinuerleg pumpe pengar inn i spelet.
  11. Det at den er dyr gjer ikkje telefonen dårlegare i seg sjølv. Det har sjølvsagt sin plass i ei kost/nytte-vurdering, men prisen kunne sånn sett ha vore 500 000 kroner (håpar Apple ikkje les dette og får idear for neste modell), og det ville fortsatt ha vore den beste telefonen tek.no hadde testa. Berre so det er sagt, eg synest dette er ein absurd pris å betale for ein mobiltelefon. Eg er ingen fan av Apple, og synest generelt at produkta deira i stor grad er overprisa jåleri.
  12. Eg ga i all hovudsak opp "AAA"-spelindustrien for lenge sidan. Det har rett og slett vore for mykje tøv frå den kanten, om det skulle vere plagsom DRM, krav om konstant tilkopling til server, mikrotransaksjonar, uærleg marknadsføring, sesongpass, "loot crates", eksklusivt innhald for førehandsbestilling, og so vidare. Samstundes har vi fått ein glimrande indie-industri som lagar fleire spel enn eg har tid til å spele, med ein kvalitet som kan måle seg med og ofte overgå kva som helst frå dei store utgivarane. Divinity: Original Sin-spela er gode eksempel på dette. Valget blir då lett for min del. Dersom eit spel blir lansert med ein forretningsmodell eller ei DRM-løysning eg ikkje ønsker, droppar eg det, sjølv om spelet i seg sjølv er interessant.
  13. Dette var gøy, og herleg fritt både for mikrotransaksjonar og plagsom reklame. Akkurat som i gode, gamle dagar. Eg ville ha betalt for dette om det ikkje var gratis.
  14. No er der fleire grunnar til at eg ikkje vil velge Apple, men eg må innrømme at ytelsestestane her var imponerande.
  15. Sidan her ikkje er støtte for minnekort, blir det eit spørsmål om 64 GB er nok for den tida ein skal ha telefonen. Alternativet er då 256 GB-utgåva, til den endå meir absurde prisen 12 690 kroner.
×
×
  • Create New...